2 DATU 13:8 - Sura' Madatu

⁸ Iatu tang dipokadannapa tu mintu’ tuna’na Yoahas sia mintu’ penggauranna sia mintu’ penggauran lalongna, tang tisura’moraka lan sura’ ossoranna mintu’ datu to Israel?

2 DATU 13:8 ပူးပေါင်းရင်းမြစ်များ

1 DATU 11:4

Belanna iatonna matuamo tu Salomo, napasepangmi mintu’ bainena tu penaanna umpenombai kapenomban senga’, naurunganni tae’mo nalantuk tu penaanna lako PUANG, Kapenombanna, susi Daud, ambe’na.

1 DATU 14:29

Iatu tang dipokadannapa tu mintu’ tuna’na Rehabeam sia mintu’ tu apa napogau’, tang tisura’moraka lan sura’ ossoranna mintu’ datu to Yehuda?

1 DATU 14:31

Mangkato malemi tama batu dilobang tu Rehabeam sola nene’ to dolona, anna dipeliang lan kotana Daud, lan liangna nene’ to dolona. Iatu indo’na, disanga Naama, to Amon. Anna Abiam, anakna muane, ussondai dadi datu.

2 DATU 1:18

Iatu tang dipokadannapa tu mintu’ tuna’na Ahazia, iamotu apa napogau’, tang tisura’moraka lan sura’ ossoranna mintu’ datu to Israel?

2 DATU 13:7

Tonganna tae’ napatorroanni surodadu sangadinna pakkanarang limangpulo sia kareta sangpulo sia iatu to ma’lingka sangpulo sa’bu; belanna nasanggangmo datu to Aram tu tau iato mai sia napasusi barra’-barra’ ke attu panglulluran.

2 DATU 13:9

Iatu Yoahas malemo tama batu dilobang sola nene’ to dolona, anna dipeliang dio Samaria, Anna Yoas, anakna muane, ussondai dadi datu.