2 DATU 13:7 - Sura' Madatu

⁷ Tonganna tae’ napatorroanni surodadu sangadinna pakkanarang limangpulo sia kareta sangpulo sia iatu to ma’lingka sangpulo sa’bu; belanna nasanggangmo datu to Aram tu tau iato mai sia napasusi barra’-barra’ ke attu panglulluran.

2 DATU 13:7 ပူးပေါင်းရင်းမြစ်များ

2 SAMUEL 22:43

Kunisak-nisak tu tau iato mai butung to barra’-barra’ dio lu padang, kulullu’-lullu’ sia kupolungganak ten to so’mak dio lu lalan.

1 DATU 20:15

Mangkato nabilangmi Ahab tu mai pia muane arungna lembang, den dua ratu’ tallungpulo ndua tau, namane umbilangi tu to buda, iamotu mintu’ to Israel, den pitungsa’bu.

1 DATU 20:27

Dipasakka’ dukamo tu mintu’ surodadunna to Israel, sia dipasandai kinallo, anna ke’de’ male ullaoi to Aram. Ma’tendami tu to Israel sitingoan tau iato mai butung to duang tuntunan bembe’, apa iatu to Aram nasamboi bang tu rante.

2 DATU 10:32

Iatonna attu iato Naparandukmi PUANG umpabitti’i tu lili’na Israel, belanna natalo Hazael, tu tau iato mai dio lu mintu’ lili’na to Israel,

2 DATU 13:8

Iatu tang dipokadannapa tu mintu’ tuna’na Yoahas sia mintu’ penggauranna sia mintu’ penggauran lalongna, tang tisura’moraka lan sura’ ossoranna mintu’ datu to Israel?

2 DATU 8:12

Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

PA’PUDIAN 18:42

Metambamo tu tau iato mai, apa tae’ misa’ tau untundui, metamba lako PUANG, apa tae’ Napebalii.

YESAYA 36:8

Totemo melo ke sitangga’komi puangku, datu Asyur, angku benkomi darang duangsa’bu, ke mibela dukai umpadenni tu tau la ussakei.

YESAYA 41:2

Mindara umpabu’tui dio mai matallo tu to sitammu kapataloan lan mintu’ kalingkanna? Mindara ussorongi lako kalena tu mai bangsa sia umbenni kuasa umpatundukki tu mai datu, pa’dangna umpopembarra’-barra’i tu tau iato mai, sia panana umpopennongkanni nasarombonan angin?

YOËL 3:14

Ma’tombon-tombon tu tau diong lombok pangra’tasan ukungan, belanna mandappi’mo tu alloNa PUANG diong lombok pangra’tasan ukungan.

SURA’ KATOMINAAN 26:17

La messaileMo’ unneakomi, miurungan natalo ualimmi sia mintu’ tu to ungkabiri’komi iamo la umparentakomi, sia la mallaikomi, moi natae’ misa’ tau unnula’komi.

AMOS 1:3

Inde sia tu kadanNa PUANG Nakua: Belanna tallu tu kapatodo-tintinganna Damsyik, ondongpi belanna a’pa’, iamoto natae’ Kula undampai to. Belanna mangka napalullu’i panglulluran bassi tu Gilead,

AMOS 4:10

Kuparampoimokomi tu ropu, susi dio Mesir. Kupateimo pa’dang tu mintu’ to mangurammi, anna dirampa tu darangmi. Sia Kupasongngonnimo bubosi tu illongmi lan mai to’ tendami. Moi susito, tae’ duka mimengkatoba’ lako Kaleku, kadanNa PUANG.

1 SAMUEL 13:15

Mangkato ke’de’mi tu Samuel dio mai Gilgal ma’palurekke Gibea lan lili’ Benyamin. Nabilangmi Saul tu mintu’ to torro siapa sola, denpa agi-agi annan ratu’.