2 DATU 13:5 - Sura' Madatu

⁵ Nakamaseimi PUANG tu to Israel misa’ tau urrampananni, naurungan tau iato mai tilendok dio mai kuasanna to Aram, anna pada untorroi tendana sule tu to Israel susi dolona.

2 DATU 13:5 ပူးပေါင်းရင်းမြစ်များ

2 DATU 13:25

Iatu Yoas, anakna Yoahas, unnalai sule tu ba’tu pira-pira kota lan mai limanna Benhadad, anakna Hazael; iatu kota iato naala Hazael dolo lan mai limanna Yoahas, ambe’na Yoas tonna sirari. Natalomi Yoas pentallun tu Benhadad, naalai sule tu mai kotana to Israel.

2 DATU 14:25

Naalamo sule tu lili’na Israel, randuk dio mai batatta lako Hamat sae lako tasik dio Araba, susitu kadanNa PUANG, Kapenombanna to Israel, tu mangka Napokada nalopian taunna, nabi Yunus, anakna Amitai, to dio mai Gat-Hefer.

2 DATU 14:27

Apa tae’ duka Nama’kada PUANG, kumua la Naputtai tu sanganna to Israel lan nasambo langi’, iamoto Narampananni tu tau iato mai tete dio Yerobeam, anakna Yoas.

1 OSSORANNA DATU 11:2

Iatonna dolonapa, tonna Saul datu inang kamu duka tu umbaa to Israel tassu’ sia ussolanni tama, sia ma’kada tu PUANG, Kapenombammi, lako kalemi, Nakua: Iko la ungkambi’i tu taungKu Israel sia iko dukamo la dadi arungna tu taungKu Israel.

NEHEMIA 9:27

Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

ESTER 4:14

Belanna iake kappa bangkomi lan attu iate, manassa la sae duka ia tu pa’tunduan sia kadirampanan dio mai inan senga’ lako to Yahudi, apa kamu sia to lan banuanna ambe’mi la sanggang; sia minda unnissanni, kumua umbai na attu iate, ammi dipakala’bi’ tama kadatuan.

KATASSURAN 4:10

Ma’kadami tu Musa lako PUANG, nakua: Messimanna’ Puang, iate aku te tangiana’ to rangga lila, la tonnanu’ la totemo, moi ia duka tomMi randuk ma’kada lako taumMi, sangadinna iate aku te to magasa pudukna’ sia tang malute ma’kada.

YESAYA 19:20

Iamote, tu misa’ tanda sia misa’ batu silambi’ lako PUANGna mintu’ ma’dandan maritik diosok lan tana Mesir. Iake meongli’i lako PUANG napobua’ to ma’pakario-rio, la Nasua Puang tu misa’ to patunduan sia to umpangeai tu la urrampananni.

OBAJA 1:21

Iatu to mangrampanan la kendek langngan buntu Sion, sia la unnukung buntunna Esau, na iatu kadatuan iato PUANG umpoissanni.

LUKAS 2:11

kumua iate bongi totemo dipadadiammokomi To patutungan bia’ lan tondokna Daud, iamo Kristus, tu Puang iato.

PA’TOLE 19:4

Inde sia tu a’ganna to papatean mallai lako, nanii tuo, iamotu ketang naangga’i umpatei solana, anna tae’ duka nakabiri’i dolona.

1 SAMUEL 12:11

Nasuami PUANG tu Yerubaal sia Barak sia Yefta sia Samuel, ullendokangkomi lan mai limanna mintu’ ualimmi tiku lao, miurunganni torro marampa’.

1 SAMUEL 19:7

Natambaimi Yonatan tu Daud, napokadanni mintu’ tu kada iato, anna solanni tu Daud lako Saul, anna pennoloi tu datu susi biasanna.