2 DATU 13:4 - Sura' Madatu

⁴ Apa iatu Yoahas umpengkamoyai kamamaseanNa PUANG anNa perangii PUANG, belanna Natiromo Puang, tumba masarrangna datu Aram umpakario-rio to Israel.

2 DATU 13:4 ပူးပေါင်းရင်းမြစ်များ

KADADIAN 21:17

Iatu gamaranna tinde pia narangi Puang Matua, Nametamba tu Malaeka’Na Puang Matua dao mai suruga ma’kada lako Hagar Nakua: Matumbaroko Hagar? Da mumataku’, belanna Naperangiimo Puang Matua tu gamaranna tinde pia dio mai to’ inanna.

KADADIAN 31:42

Iake tang la Narondongna’ Kapenombanna ambe’ku, Kapenombanna Abraham sia To napengkaolai Ishak, manassa totemo misuana’ male ma’pala’ lo’bang. Manassa Natiro Puang Matua tu parri’ku sia kamara’tasangku mengkarang. Iamo umpakilalakomi sangmai’ bongi.

2 DATU 13:22

Iatu Hazael, datu Aram, umpakario-rio to Israel angge tuona Yoahaz.

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

2 DATU 14:26

Belanna natiro PUANG, kumua iatu kamandasanna to Israel mapai’ tongan sia tae’mo la mala’bi’na la to bitti’na sia moi misa’ tae’ tu to patunduanna to Israel.

2 OSSORANNA DATU 33:19

Na iatu passambayangna sia umba Nakua Puang untananni talinga tu passambayangna, sia mintu’ kasalan sia katangmarurusanna, sia iatu mintu’ inan, to nanii umbangun inan madao sia umpabendan lentong dipodeata sia iatu mai rapang-rapang dipodeata, tonna tae’pa napamadiongan kalena, manassa iate mintu’na te tisura’mo lan sura’ Kada to patandan-tandan.

EZRA 8:23

Iamoto angki ma’puasa sia umpengkamoyai Kapenombanta tu iannato, anNa palaloi tu pengkamoyaki.

AYUB 22:27

Iake massambayangko langngan Puang, la Naperangiiko, sia la mupalesso’ tu pangallonammu lako Puang.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 78:34

Iatonna pateimi tu tau iato mai, maneri naanga’ tu Puang, anna tibalik pakkan undaka’ Puang Matua.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

KATASSURAN 3:9

Tonganna iatu sarrona to Israel rampomo lako oloKu sia Kutiromo tu pa’pakario-rio nagauranni to Mesir tu tau iato mai.

YESAYA 26:16

O PUANG, iatonna mandasa tu tau iato mai, nadaka’moKomi, iatomMi ada’i, umpakendek kamama’mi passambayangna.

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

YEREMIA 2:27

tu ma’kada lako sanglongki’ kayu, nakua: Kamumo tu ambe’ku, na lako misa’ batu, nakua: Kamumo tu undadianna’. Belanna natanananNa’ sokkongna tu tau iato mai, tangia lindona, apa iatonna kamaparrisanna, ma’kadami nakua: Ke’de’Komi o Puang, amMi rampanangkanni!

YEREMIA 33:3

Meongli’ko lako Kaleku, angKu pebaliiko sia la Kupokadangko tu apa kapua tu tang dipebuyu’, tu tae’ mutandai.

KADIBILANGAN 21:7

Saemi tu bangsa iato lako Musa anna ma’kada nakua: Kasalammokanni, belanna ma’kadamokan umbali PUANG sia umbalikomi; passambayangangkan lako PUANG, anNa patoyangi te mai ula’ dio mai kaleki. Napassambayangammi Musa tu tau iato.

TO PARENGNGE’ 10:10

Attu iato metambami tu mintu’ to Israel langngan PUANG, nakua: Kasalammokan lako Kalemi, belanna kiboko’imo tu Kapenombangki sia kipenombaimo tu mintu’ Baal.