2 DATU 13:23 - Sura' Madatu

²³ Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

2 DATU 13:23 ပူးပေါင်းရင်းမြစ်များ

KADADIAN 6:3

Ma’kadami tu PUANG: Iatu PenaangKu tae’ na la tontong bang lan kale tolino, belanna patengkan sia inang pa’kalean siamo; la saratu’ duangpulomora taunna tempona tu tolino!

1 DATU 8:28

Sailei te passambayangna sia pengkamoyana taumMi, o PUANG, Kapenombangku, sia perangii tu petamba sia passambayang, tu napennoloan taumMi dio oloMi;

2 DATU 13:24

Iatonna matemo tu Hazael, datu to Aram, Benhadadmi, anakna muane, dadi datu ussondai.

2 DATU 13:4

Apa iatu Yoahas umpengkamoyai kamamaseanNa PUANG anNa perangii PUANG, belanna Natiromo Puang, tumba masarrangna datu Aram umpakario-rio to Israel.

2 DATU 14:26

Belanna natiro PUANG, kumua iatu kamandasanna to Israel mapai’ tongan sia tae’mo la mala’bi’na la to bitti’na sia moi misa’ tae’ tu to patunduanna to Israel.

2 DATU 14:27

Apa tae’ duka Nama’kada PUANG, kumua la Naputtai tu sanganna to Israel lan nasambo langi’, iamoto Narampananni tu tau iato mai tete dio Yerobeam, anakna Yoas.

2 DATU 17:18

Iamoto anna mandu tu kare’dekanna ara’Na PUANG lako to Israel, naurungan Napatoyang tu tau iato mai dio mai oloNa; tae’ bangmo tinampe sangadi to ma’suku Yehuda mannamo.

2 DATU 17:20

Iamoto Natumpui PUANG tu mintu’ bati’na Israel. Napamatuna sia Nasorong tama kuasanna to mangrampa, sae lako Nasuale dio mai oloNa.

2 DATU 17:23

sae lako attu Nanii PUANG umpatoyang to Israel dio mai oloNa, susitu mangkamo Napokada nalopian mintu’ taunNa, iamotu mai nabi. Iamoto nadipali’ tu to Israel dio mai tondokna lako tondok Asyur sae lako allo totemo.

2 DATU 24:20

Belanna kasengkeanNa PUANG, anna sakerangngan-rangnganna tu kakadakeanna Yerusalem sola Yehuda, sae lako Nasualei dio mai oloNa. Pabali-balimi Zedekia lako datu Babel.

PA’PUDIAN 105:8

Nakilalai sia tu basseNa tontong sae lakona, iamotu kadanNa tu mangka Napepasanan landa’ lako sangsa’bu osso’na.

PA’PUDIAN 105:9

Iamotu basse Nasibassei Abraham, sia sumpaNa lako Ishak.

PA’PUDIAN 106:45

Sia belanna diona la napomelona tau iato mai, Nakilalaimi Puang tu basseNa, anNa maturu-turu sitinaya kamasokanan budanNa.

PA’PUDIAN 51:11

Pasalaimi matamMi tu mintu’ kasalangku, sia pa’deimi tu mintu’ kakadakeangku.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

PA’PUDIAN 86:15

Apa kamu, o Puang, tu Kapenomban sumpu mamase sia sa’pala buda, sia kalando pesuka’ sia kapua tu kamasokanamMi sia kamarurusamMi.

KATASSURAN 33:19

Ma’kadami tu PUANG Nakua: Iamoto la Kupalendu’iko tu mintu’ kamadatuangKu sia la ussa’bu’Na’ sanganNa PUANG dio tingayomu: iamoto angKu katuru-turui, minda-minda tu Kukaturu-turui, sia Kukamasei minda-minda tu Kukamasei.

YEREMIA 12:15

Apa iangKu mangka ussintakki tu tau iato mai, la Kukamasei pole’ sia pada la Kubaa sule lako mana’na sia lako padangna.

BATING 3:32

Belanna iake mangkaMi meparosso, mekamaseioMi sitinaya kakapuanna kamaturu-turuanNa.

SURA’ KATOMINAAN 26:42

attu iato la Kukilalai tu basseKu sola Yakub, sia iatu basseKu sola Ishak sia iatu basseKu sola Abraham la Kukilalai, sia la Kukilalai duka tu tondok.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

2 TESALONIKA 1:9

Tau iato la dipakario-rio kasanggangan sae lakona, dipatoyang dio mai oloNa Puang sia dio mai kamala’biran kuasanNa,

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.