2 DATU 13:2 - Sura' Madatu

² Napogau’mi tu apa kadake dio pentiroNa PUANG sia unturu’ mintu’ kasalan, napa’pesuan Yerobeam, anakna Nebat, lako to Israel umpogau’i; tae’ namemboko’ dio mai to.

2 DATU 13:2 ပူးပေါင်းရင်းမြစ်များ

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

2 DATU 10:29

Sangadinna ia manna tu kasalanna Yerobeam, anakna Nebat, tu napa’pesuan lako to Israel umpogau’i, tae’ naboko’i Yehu, iamotu mai anak sapi bulaan dio Betel sia dio Dan.

2 DATU 13:1

Iatonna taun ma’penduangpulomo ntallu kadatuanna Yoas, anakna Ahazia, datu to Yehuda, dadimi datu tu Yoahas, anakna Yehu, umparenta to Israel dio Samaria; anna ma’parenta sangpulo pitu taunna.

2 DATU 13:11

Napogau’mi tu apa kadake dio pentiroNa PUANG; tae’ naboko’i tu mintu’ kasalan, tu napa’pesuan Yerobeam, anakna Nebat, lako to Israel umpogau’i; napatarru’ bang datu to.

2 DATU 13:6

Apa tae’ naboko’i tu mintu’ kasalanna bati’na Yerobeam, tu napa’pesuan lako to Israel umpogau’i sangadinna napatarru’ bang tau iato mai. Sia tontong duka bendan dio Samaria tu lentong kayu dipodeata.

2 DATU 3:3

Moi nasusito la’ka’ duka lako kasalan, tu napesuan Yerobeam, anakna Nebat lako to Israel umpogau’i; tae’ naboko’i tu kasalan iato.

HOSEA 5:11

Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.