2 DATU 13:18 - Sura' Madatu

¹⁸ Mangkato nakuami: Alami tu tinaran. Naalami to. Nakuami tu Elisa lako datu to Israel: Pembambanni rokko padang. Napembambammi pentallun namane untorroi.

2 DATU 13:18 ပူးပေါင်းရင်းမြစ်များ

2 DATU 13:17

Mangkato nakuami: Bungka’i tu pentiroan ma’palulako matallo. Iatonna bungka’mi ma’kadami Elisa nakua: Pa’pananni. Napa’panammi. Nakuami: Iamoto tu tinaran kapataloan lu dio mai PUANG, iamotu misa’ pana untalo to Aram. Iatu to Aram la mitalo dio Afek, naurunganni sanggang tu tau iato mai.

2 DATU 13:19

Re’dekmi ara’na tu taunNa Puang Matua lako, sia ma’kada nakua: Iakemmi bambai pellima ba’tu pennannan, manassa la mitalo tu to Aram sae lako sanggangna tu tau iato mai. Apa totemo pentallunri mitalo tu to Aram.

2 DATU 13:25

Iatu Yoas, anakna Yoahas, unnalai sule tu ba’tu pira-pira kota lan mai limanna Benhadad, anakna Hazael; iatu kota iato naala Hazael dolo lan mai limanna Yoahas, ambe’na Yoas tonna sirari. Natalomi Yoas pentallun tu Benhadad, naalai sule tu mai kotana to Israel.

2 DATU 4:6

Iatonna ponnomo tu mintu’ busso, ma’kadami lako anakna nakua: Bampa’ mai misa’ tu busso. Apa mebali tu anakna nakua: Tae’mo busso. Tadangmi tu minna’.

KATASSURAN 17:11

Ianna popempala’i tu limanna Musa langngan langi’, patalo tu to Israel, apa ianna parokkoi tu limanna, patalo tu to Amalek.