2 DATU 13:11 - Sura' Madatu

¹¹ Napogau’mi tu apa kadake dio pentiroNa PUANG; tae’ naboko’i tu mintu’ kasalan, tu napa’pesuan Yerobeam, anakna Nebat, lako to Israel umpogau’i; napatarru’ bang datu to.

2 DATU 13:11 ပူးပေါင်းရင်းမြစ်များ

2 DATU 10:29

Sangadinna ia manna tu kasalanna Yerobeam, anakna Nebat, tu napa’pesuan lako to Israel umpogau’i, tae’ naboko’i Yehu, iamotu mai anak sapi bulaan dio Betel sia dio Dan.

2 DATU 13:10

Iatonna taun ma’pentallungpulo mpitu kadatuanna tu Yoas, datu to Yehuda, dadimi datu tu Yoas, anakna Yoahas, umparenta to Israel dio Samaria; anna ma’parenta sangpulo annan taunna.

2 DATU 13:12

Iatu tang dipokadannapa tu mintu’ tuna’na Yoas sia mintu’ tu apa napogau’ sia mintu’ penggauran lalongna, tu diona kasirarianna Amazia, datu to Yehuda, tang tisura’moraka lan sura’ ossoranna mintu’ datu to Israel?

2 DATU 13:2

Napogau’mi tu apa kadake dio pentiroNa PUANG sia unturu’ mintu’ kasalan, napa’pesuan Yerobeam, anakna Nebat, lako to Israel umpogau’i; tae’ namemboko’ dio mai to.

2 DATU 13:6

Apa tae’ naboko’i tu mintu’ kasalanna bati’na Yerobeam, tu napa’pesuan lako to Israel umpogau’i sangadinna napatarru’ bang tau iato mai. Sia tontong duka bendan dio Samaria tu lentong kayu dipodeata.

2 DATU 3:3

Moi nasusito la’ka’ duka lako kasalan, tu napesuan Yerobeam, anakna Nebat lako to Israel umpogau’i; tae’ naboko’i tu kasalan iato.