2 DATU 13:10 - Sura' Madatu

¹⁰ Iatonna taun ma’pentallungpulo mpitu kadatuanna tu Yoas, datu to Yehuda, dadimi datu tu Yoas, anakna Yoahas, umparenta to Israel dio Samaria; anna ma’parenta sangpulo annan taunna.

2 DATU 13:10 ပူးပေါင်းရင်းမြစ်များ

2 DATU 10:30

Ma’kadami tu PUANG lako Yehu nakua: Belanna melomo tu penggaurammu sia mupogau’mo tu apa malolo dio pentiroKu sia muparampomo lako to lan banuanna Ahab tu mintu’ pangala penaangKu, iamoto na iatu ampo bati’mu muane la unnisungi isungan kapayunganna Israel sae lako osso’ ma’penna’pa’.

2 DATU 12:1

Iatonna taun ma’pempitu kadatuanna Yehu, dadimi datu tu Yoas, nama’parenta patangpulo taunna dio Yerusalem. Iatu indo’na disanga Zibya, dio mai Bersyeba.

2 DATU 13:1

Iatonna taun ma’penduangpulomo ntallu kadatuanna Yoas, anakna Ahazia, datu to Yehuda, dadimi datu tu Yoahas, anakna Yehu, umparenta to Israel dio Samaria; anna ma’parenta sangpulo pitu taunna.

2 DATU 13:11

Napogau’mi tu apa kadake dio pentiroNa PUANG; tae’ naboko’i tu mintu’ kasalan, tu napa’pesuan Yerobeam, anakna Nebat, lako to Israel umpogau’i; napatarru’ bang datu to.

2 DATU 13:9

Iatu Yoahas malemo tama batu dilobang sola nene’ to dolona, anna dipeliang dio Samaria, Anna Yoas, anakna muane, ussondai dadi datu.

2 DATU 14:1

Iatonna taun ma’penduan kadatuanna Yoas, anakna Yoahas, datu Israel, dadimi datu tu Amazia, anakna Yoas, datu Yehuda.

2 DATU 14:17

Iatu Amazia, anakna Yoas, datu Yehuda tuopa sangpulo lima taunna tonna matemo tu Yoas, anakna Yoahas, datu Israel.

2 DATU 15:12

Susimorato tu kadanNa PUANG tu mangka Napokada lako Yehu, nakua: Iatu mai anakmu muane la unisung dao isungan kapayunganna Israel sae lako osso’ ma’penna’pa’na. Dadi dukami susito.