2 DATU 12:9 - Sura' Madatu

⁹ Naalami to minaa Yoyada tu misa’ patti, nalo’po’i tu tutu’na, napatorroi dio sa’de inan pemalaran, dipokanan, ke maleki’ tama banuanNa PUANG. Mintu’ tu to minaa ungkampai ba’ba, umpatamai patti tu doi’ nabaa tau tama banuanNa PUANG.

2 DATU 12:9 ပူးပေါင်းရင်းမြစ်များ

2 DATU 12:8

Napasituru’mi to minaa tu iannato, tae’mo natarimai tu doi’ dio mai to buda, sia tang napemeloi duka tu mai sanggangna dio lu banua kabusungan.

2 DATU 22:4

Maleko lako tominaa kapua Hilkia, suai umbilangi tu mintu’ doi’, tu dipatama banuanNa PUANG, tu naduruk mintu’ to ma’kampa babangan dio mai to buda.

2 DATU 23:4

Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 25:18

Natingkanmi pangulu to ma’kampa tu Seraya, tominaa kapua, sia Zefanya, tominaa ma’penduanna, sia iatu tallu to ma’kampa ba’ba.

1 OSSORANNA DATU 15:18

sia iatu nasolan tau iato mai iamotu mintu’ siulu’na untoe pangka’ ma’penduan, iamotu: Zakharia, Ben, Yaaziel, Semiramot, Yehiel, Uni, Eliab, Benaya, Maaseya, Matica, Elifele, Mikneya, Obed-Edom na Yeiel, to ma’kampa babangan.

1 OSSORANNA DATU 15:24

Na iatu to minaa Sebanya, Yosafat, Netaneel, Amasai, Zakharia, Benaya na Eliezer umpannoni tarompe’ dio tingayo pattinNa Puang Matua; na Obed-Edom na Yehia iamotu to ma’kampa babangan la ungkampai tu patti.

PA’PUDIAN 84:10

O Puang Matua, balulang toto’ki, tiroi sia mantai tu rupanna to ditokkoMi.

YEREMIA 35:4

Kusolammi tu tau iato mai tama banuanNa PUANG, tama sapa’na bati’na Hanan, anakna Yigdalya, taunNa Puang Matua, tu sisapa’-sapa’na mintu’ arung, daona lu sapa’na Maaseya, anakna Salum, to ma’kampa ba’ba.

YEREMIA 52:24

Natingkanmi pangulu to ma’kampa tu Seraya, tominaa kapua, sia Zefanya, tominaa ma’penduanna, sia iatu tallu to ma’kampa ba’ba.

MARKUS 12:41

Unno’ko’mi tu Yesu untingoi patti doi’ pa’kamasean, sia untiro to buda umpatama doi’ tama patti doi’ pa’kamasean; ba’tu pira-pirami tu to sugi’ umpatama doi’ buda.

LUKAS 21:1

Umbangunammi matanNa tu Yesu, Natiroi tu to sugi’ umpatama pamenganna tama patti doi’ pa’kamasean.