2 DATU 12:5 - Sura' Madatu

⁵ pantan la naala to minaa dio mai sitandanna; sia iatu doi’ iato la dipake umpemeloi tu sanggangna dio lu banuanNa Puang, tu umba-umbanna ditiro sanggang.

2 DATU 12:5 ပူးပေါင်းရင်းမြစ်များ

1 DATU 11:27

Inde sia bannangna anna balii tu datu: Dikua umbangun Milo tu Salomo sia umpemeloi tu benteng tembo’ ro’pok dio kotana Daud, ambe’na.

2 DATU 12:12

sia iapa tu mai pande batu sia to ma’pa’ batu; sia la unnalli kayu sia batu dipa’ la umpemeloi tu mai sanggangnamo dio lu banuanNa PUANG, sia mintu’na tu apa dipaolai doi’ la umpemeloi tu banua iato.

2 DATU 12:4

Nasuami Yoas tu mintu’ to minaa, kumua: Iatu mintu’ doi’ dio lu pamengan dipamaindan dibaa tama banuanNa PUANG, iamotu doi’ to naala bilangan, doi’ pamaya’ ulla’bak tau sitinaya tassere’na misa’-misa’ tau, sia iatu mai doi’ nasorong to ma’lalan penaanna, tama banuanNa PUANG,

2 DATU 12:6

Apa iatonna ma’duangpulo ntallu taunna ma’parenta tu Yoas tae’ bangsia napemeloi to minaa tu mai sanggangna dio lu banua kabusungan.

2 DATU 22:4

Maleko lako tominaa kapua Hilkia, suai umbilangi tu mintu’ doi’, tu dipatama banuanNa PUANG, tu naduruk mintu’ to ma’kampa babangan dio mai to buda.

1 OSSORANNA DATU 29:6

Attu iato mangakumi kumua malangngo’ penaanna tu mintu’ pangulu rapu, mintu’ pangulu sukunna to Israel, mintu’ kamandangna to sangsa’bu sia kamandangna to saratu’ sia pangulunna mintu’ to mengkarangna datu.

1 OSSORANNA DATU 29:9

Parannumi penaanna tu to buda diona kamasorokan penaanna tu tau iato mai, belanna tete dio penaa lollong sia masorok nasorongi tu pamenganna lako PUANG; sia ia duka tu datu Daud lendu’ kapuanna parannunna.

2 OSSORANNA DATU 24:5

Narampunmi tu mintu’ to minaa sia to Lewi, anna ma’kada lako tau iato mai nakua: La ussalongikomi mintu’ kota Yehuda, ammi rampun doi’ dio mai mintu’ to Israel la umpemeloi banuanna Kapenombammi, ke taunoi. La madomi’komi umpogau’i tu apa iate. Apa tae’ napogau’i to Lewi.

2 OSSORANNA DATU 24:7

Belanna iatu anakna Atalya, to tang mekaaluk mangka ussanggang banuanNa Puang Matua, sia ia duka tu mintu’ apa maindan lan banuanNa Puang napake lako mintu’ Baal.

KATASSURAN 30:13

Iatu pada la napennoloan to naala bilangan iato, iamotu sangtangnga sikele’, tu pada timbangan sikele’ masero – iatu sikele’ iato duangpulo gera angga’na – iatu sangtangnga sikele’ iamo doi’ pa’duruk, la dipennoloan lako PUANG.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

SURA’ KATOMINAAN 27:2

Ma’kadako lako to Israel sia kuanni kumua: Iake denni tau umpangallonni misa’ pangallonan, situru’ tu muanggaran to disorong lako PUANG,

KADIBILANGAN 18:15

Mintu’ tu bunga’na urrubak pa’tambukanna indo’na dio mai kepenaanna, tu dipennoloan lako PUANG, dio mai ma’rupa tau ba’tu dio mai patuoan, la mupotaa; sangadinna iatu anak pa’bunga’na tolino sipatu la mula’bak, sia ia duka tu anak bunga’na patuoan maruttak sipatu la mula’bak.