2 DATU 12:21 - Sura' Madatu

²¹ Iamotu Yozakar, anakna Simeat, sia Yozabad, anakna Somer taunna, umpatei, namate. Anna peliangi tau sola nene’ to dolona lan kotana Daud. Anna Amazia, anakna muane, ussondai dadi datu.

2 DATU 12:21 ပူးပေါင်းရင်းမြစ်များ

2 SAMUEL 5:9

Torromi Daud lan kota ditambakuku iato, anna sangai tondok Daud; napalilingimi Daud rinding tembo’ randuk dio mai Milo ma’palutama.

1 DATU 15:27

Iatu Baesa, anakna Ahia, dio mai rapu Isakhar, umpaden kasiturusan la unneai. Napatei Baesa dio Gibeton, lili’ to Filistin, tonna patama limbui Nadab sola mintu’ to Israel tu Gibeton.

2 DATU 10:9

Masiang to, sunmi tu Yehu, nabendan dio tingayona to buda nama’kada nakua: Iatu kamu sola nasang tae’ misala. Manassa akumo tu umpaden kasipakulu-kuluan unnea puangku na akumora tu umpatei. Apa mindara ia umpatei nasangi te?

2 DATU 13:1

Iatonna taun ma’penduangpulomo ntallu kadatuanna Yoas, anakna Ahazia, datu to Yehuda, dadimi datu tu Yoahas, anakna Yehu, umparenta to Israel dio Samaria; anna ma’parenta sangpulo pitu taunna.

2 DATU 14:1

Iatonna taun ma’penduan kadatuanna Yoas, anakna Yoahas, datu Israel, dadimi datu tu Amazia, anakna Yoas, datu Yehuda.

2 DATU 14:19

Sipakulu-kulumi tu tau unneai dio Yerusalem, anna mallai tu datu lako Lakhis, apa mesua tu tau iato mai unnula’i lako Lakhis, anna patei dio.

2 DATU 14:5

Iatonna manda’mo tu kadatuan lan limanna datu, napateimi tu mintu’ to mase’ponna, tu mangka umpatei datu, ambe’na.

2 DATU 15:10

Umpadenmi kasipakulu-kuluan tu Salum, anakna Yabesh, unneai napatei dio tingayona to buda. Na ia ussondai dadi datu.

2 DATU 9:14

Susimo kasipakulu-kuluanna to tu Yehu, anakna Yosafat, anakna Nimsi la umbali Yoram. Na iatu Yoram sola mintu’ to Israel untorroimo Ramot, lili’na Gilead, la umpangeai tu kota iato unnea Hazael, datu Aram.

2 DATU 9:27

Iatonna tiromi Ahazia, datu to Yehuda, tu iannato, mallaimi umpempatui Bet-Hagan. Apa undi naula’ Yehu, nakua: Pongko dukai tu! Panai dao karetana! Napabasaimi tau dio lalan tuka’ langngan Gur, sikandappi’ Yibleam; mallaimi lako Megido, namate dio.

2 OSSORANNA DATU 24:25

Iatonna soro’mo tu tau dio mai kalena, sia natampe situang saki mandarra’na, sipakulu-kulumi tu to mase’ponna la umpatei, natumang rarana anakna Yoyada, to minaa; napateimi dao inan patindoanna, anna mate. Napeliangmi tau lan kotana Daud, apa tae’ nadipatama liangna mintu’ datu.