2 DATU 12:19 - Sura' Madatu

¹⁹ Iatu tang dipokadannapa tu mintu’ tuna’na Yoas sia mintu’ apa napogau’, tang tisura’moraka lan sura’ ossoranna mintu’ datu to Yehuda.

2 DATU 12:19 ပူးပေါင်းရင်းမြစ်များ

1 DATU 11:41

Iatu tang dipokadannapa tu mintu’ tuna’na Salomo sia mintu’ apa napogau’, sia ia duka tu kakinaanna, tae’raka nadisura’ lan sura’ tuna’na Salomo?

1 DATU 14:19

Iatu tang dipokadannapa tu mintu’ tuna’na Yerobeam, umba nakua parari sia umba nakua ma’parenta, manassa iatu iannato tisura’mo lan sura’ ossoranna datu to Israel.

1 DATU 14:29

Iatu tang dipokadannapa tu mintu’ tuna’na Rehabeam sia mintu’ tu apa napogau’, tang tisura’moraka lan sura’ ossoranna mintu’ datu to Yehuda?

1 DATU 15:18

Attu iato naala nasangmi Asa tu mai salaka sia bulaan tu tinampena siapa lan bilik pangnannanna banuanNa PUANG sia iatu lan bilik pangnannanna banuanna datu, anna sorongi lako to mase’ponna, nasuai datu Asa lao umbaai lako Benhadad, anakna muane Tabrimon, anakna muane Hezion, datu to Aram, dio Damsyik, nakua:

2 DATU 12:18

Naalami Yoas, datu to Yehuda, tu mintu’ pamengan dipamaindan, tu napamaindan Yosafat, Yoram sola Ahazia, ambe’na, iamo datu to Yehuda, susi dukato tu mintu’ pamengan napamaindan kalena sia mintu’ bulaan tu lan inan pangnannanna banuanNa PUANG sia apa lan tongkonan layuk, anna pakatui lako Hazael, datu to Aram. Tibalikmi sule tu Hazael dio mai lalan lu lako Yerusalem.

2 DATU 12:20

Iatu mai to mase’ponna ke’de’mi sipakulu-kulu, anna patei tu Yoas lan banuanna Milo, diong se’pon lalan rokko Sila.

2 DATU 16:8

Naalami Ahas tu bulaan sia salaka tu lan banuanNa PUANG sia lan mai bilik pangnannan tongkonan layuk, anna pa’peai butung pamengan lako datu Asyur.

2 DATU 18:15

Nasorongmi Hizkia tu mintu’ salaka lan banuanNa PUANG sia lan bilik pangnannanna tongkonan layuk.

2 DATU 18:16

Iatonna iato nakalopakkimi Hizkia tu bulaan dio mai mintu’ ba’ba sia lentong banua kabusunganna PUANG tu napale’ke’ Hizkia, datu Yehuda; anna sorongi lako datu Asyur.

2 DATU 8:23

Iatu tang dipokadannapa tu mintu’ tuna’na Yoram sia mintu’ apa napogau’, tang tisura’moraka lan sura’ ossoranna datu Yehuda?