2 DATU 12:18 - Sura' Madatu

¹⁸ Naalami Yoas, datu to Yehuda, tu mintu’ pamengan dipamaindan, tu napamaindan Yosafat, Yoram sola Ahazia, ambe’na, iamo datu to Yehuda, susi dukato tu mintu’ pamengan napamaindan kalena sia mintu’ bulaan tu lan inan pangnannanna banuanNa PUANG sia apa lan tongkonan layuk, anna pakatui lako Hazael, datu to Aram. Tibalikmi sule tu Hazael dio mai lalan lu lako Yerusalem.

2 DATU 12:18 ပူးပေါင်းရင်းမြစ်များ

1 DATU 14:26

Narampami tu mintu’ pareanan lan banuanNa PUANG sia mintu’ pareanan lan tongkonan layukna datu, napoli’ nasang. Naala duka tu mintu’ balulang bulaan tu nagaragai Salomo.

1 DATU 15:18

Attu iato naala nasangmi Asa tu mai salaka sia bulaan tu tinampena siapa lan bilik pangnannanna banuanNa PUANG sia iatu lan bilik pangnannanna banuanna datu, anna sorongi lako to mase’ponna, nasuai datu Asa lao umbaai lako Benhadad, anakna muane Tabrimon, anakna muane Hezion, datu to Aram, dio Damsyik, nakua:

2 DATU 12:19

Iatu tang dipokadannapa tu mintu’ tuna’na Yoas sia mintu’ apa napogau’, tang tisura’moraka lan sura’ ossoranna mintu’ datu to Yehuda.

2 DATU 12:4

Nasuami Yoas tu mintu’ to minaa, kumua: Iatu mintu’ doi’ dio lu pamengan dipamaindan dibaa tama banuanNa PUANG, iamotu doi’ to naala bilangan, doi’ pamaya’ ulla’bak tau sitinaya tassere’na misa’-misa’ tau, sia iatu mai doi’ nasorong to ma’lalan penaanna, tama banuanNa PUANG,

2 DATU 14:14

Naala nasangmi tu bulaan sia salaka sia mintu’ pareanan tu lan banuanNa PUANG sia lan pangnannan tongkonan layuk, sia ba’tu pira-pira to mangindo’i, namane sule lako Samaria.

2 DATU 16:8

Naalami Ahas tu bulaan sia salaka tu lan banuanNa PUANG sia lan mai bilik pangnannan tongkonan layuk, anna pa’peai butung pamengan lako datu Asyur.

2 DATU 8:12

Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

2 OSSORANNA DATU 16:2

Attu iato naalami Asa tu salaka sia bulaan lan mai bilik pangnannan lan banuanNa PUANG sia lan mai banuanna datu, anna pakatui lako Benhadad, datu Aram, tu torro dio Damsyik, nakua:

2 OSSORANNA DATU 24:17

Apa iatonna matemo tu Yoyada saemi tu mintu’ pangulu to Yehuda menomba lako datu; naperangiimi datu tu tau iato mai.

YOËL 3:5

Belanna miala tu salakaKu sia bulaanKu sia mibaa tu ianan keangga’Ku tama banua pa’deatammi.