2 DATU 11:4 - Sura' Madatu

⁴ Iatonna taun ma’pempitu mesuami tu Yoyada untambai mintu’ pangulunna ke saratu’oi surodadu pa’tonno’ sia to ma’kampa, nasolanni tama banuanNa PUANG, sia sibasse tu tau iato mai sia nasua umpalao sumpa lan banuanNa PUANG. Mangkato napatiroammi tu anakna muane datu lako tau iato mai.

2 DATU 11:4 ပူးပေါင်းရင်းမြစ်များ

KADADIAN 50:25

Nasuami Yusuf sumpa tu bati’na Israel nakua: Manassa la Nakamaseikomi Puang Matua, attu iato da mitang umbaai sun tu batang rabukku!

2 SAMUEL 20:23

Iatu Yoab iamo kamandang lompona mintu’ surodadu to Israel, sia Benaya, anakna Yoyada, kamandangna to Kreti sia to Pleti.

2 SAMUEL 8:18

na iatu Benaya, anakna Yoyada, pangulunna to Kreti sia to Pleti sia iatu anakna muane Daud iamo to minaa.

1 DATU 14:27

Nagaragami Rehabeam tu ba’tu pira-pira balulang tambaga la sondana, anna patageranni kamandang to ma’kampa, tu ungkampai babangan tongkonan layukna datu.

1 DATU 18:10

La lelukraka tuoNa PUANG, Kapenombammi, manassa tae’ tu misa’ bangsa sia kadatuan nasala nanii puangku ussua tau lako undaka’komi; ianna kuai tu tau iato mai, kumua: tae’ ia inde, nasuami tu bangsa sia kadatuan iato umpalao sumpa, kumua tae’ naappa’komi.

2 DATU 11:17

Natananmi Yoyada tu basse lan alla’Na PUANGna datu sia to buda, kumua na iatu to buda dadi misa’ taunNa PUANG sia lan duka alla’na datu na to buda.

2 DATU 11:19

Nasolammi tu mai kamandang ungkapalai saratu’ surodadu, sia iatu surodadu pa’tonno’ sia to ma’kampa, sia mintu’ pa’tondokan; nasolanni tassu’ tu datu lan mai banuanNa PUANG: malemi tu tau iato mai unnola babangan to ma’kampa tama tongkonan layuk kadatuan, anna iatu datu unnisungmo dao isungan kapayungan.

2 DATU 11:3

Torromi sola annan taunna membuni lan banuanNa PUANG, tonna Atalya ma’parenta lan tondok.

2 DATU 11:9

Iatu mintu’ pangulunna sisaratu’ surodadu napogau’mo tu mintu’ apa napepasanan to minaa Yoyada; pantan unnalami taunna tu mentoe ke allo katorroan sola tu tau tang mentoe, anna pada sae tu tau iato mai lako to minaa Yoyada.

2 DATU 12:7

Iamoto natambaimi datu Yoas tu to minaa Yoyada sia mintu’ to minaa, anna ma’kada lako nakua: Ma’apai mitang umpemeloi tu mai sanggangna dio lu banua kabusungan? Totemo damo mitarimai tu doi’ dio mai sitandammi, sangadinna sorongi anna dipake umpemeloi tu mai sanggangna dio lu banua kabusungan.

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

1 OSSORANNA DATU 9:13

Sia mintu’ siulu’na pangulu rapunna, iamotu sangsa’bu pituratu’ nnannanpulona, to malinta’ lako pengkarangan lan banuanNa Puang Matua.

2 OSSORANNA DATU 15:12

Untananmi basse tu tau iato mai, kumua la ponno penaanna sia kalebu deatanna la undaka’ PUANG, Kapenombanna nene’ to dolona.

2 OSSORANNA DATU 29:10

Totemo lanmo penaangku la untanan basse sola PUANG, Kapenombanna to Israel, kumua nasoro’ tu kare’dekanna ara’Na dio mai kaleta.

NEHEMIA 10:29

nasituru’i mintu’ siulu’na, iamotu to mala’bi’na, anna takoi passanan tengkona menggata sia umpalao sumpa la lolang unturu’ Sukaran alukNa Puang Matua tu Napa’bengan Puang Matua nalopian Musa, taunNa Puang Matua sia la birisan ungkaritutui tu mintu’ pepasan, atoran sia apa Napondok PUANG, Puangta.

NEHEMIA 5:12

Ma’kadami tu tau iato mai nakua: Manassa la kipasulemo sia tae’mo kila ussinga’ len apa dio mai tau iato mai, la kipogau’mo susitu kadammi. Kutambaimi tu mintu’ to minaa, angku suai tu tau iato mai umpalao sumpa, kumua napogau’i susitu dipokadanna.

NEHEMIA 9:38

Bannang diomote mintu’nate untananmoki’ basse tang leluk anta patamai sura’, anna ca’i pangulunta sia to Lewinta sia to minaanta.

PENGGAURANNA RASULU’ 5:24

Iatonna rangii pangulu Banua Kabusungan sia pangulu to minaa tu kada iato, littumi untangnga’i tu iannato kumua ba’tu ma’patumbami undinna.

PENGGAURANNA RASULU’ 5:26

Tonna iato laomi pangulu Banua Kabusungan sola pa’ronda’na unnalai tu mai rasulu’, apa tae’ naala maparrangi, belanna mataku’ la natumbui batu to buda.

YOSUA 24:25

Allo iato untananmi basse tu Yosua sola bangsa iato napamanassanni tau iato mai tu apa dipondok sia atoran, dio Sikhem.

1 SAMUEL 18:3

Sibassemi Yonatan tu Daud, belanna nakamasei susi kalena.

1 SAMUEL 23:18

Sibassemi sola duai dio oloNa PUANG anna torro tu Daud lan Koresa, nasule tu Yonatan lako banuanna.