2 DATU 11:17 - Sura' Madatu

¹⁷ Natananmi Yoyada tu basse lan alla’Na PUANGna datu sia to buda, kumua na iatu to buda dadi misa’ taunNa PUANG sia lan duka alla’na datu na to buda.

2 DATU 11:17 ပူးပေါင်းရင်းမြစ်များ

2 SAMUEL 5:3

Susi dukato tu mintu’ pekaamberan to Israel sae mennolo lako datu dio Hebron, anna sibasse datu Daud tu tau iato mai dio Hebron dio oloNa PUANG; mangkato natokkomi tu Daud dadi datunna to Israel.

2 DATU 11:4

Iatonna taun ma’pempitu mesuami tu Yoyada untambai mintu’ pangulunna ke saratu’oi surodadu pa’tonno’ sia to ma’kampa, nasolanni tama banuanNa PUANG, sia sibasse tu tau iato mai sia nasua umpalao sumpa lan banuanNa PUANG. Mangkato napatiroammi tu anakna muane datu lako tau iato mai.

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

1 OSSORANNA DATU 11:3

Iamoto nasae tu mintu’ pekaamberan to Israel mennolo lako datu dio Hebron, anna sibasse Daud dio oloNa PUANG dio Hebron; mangkato natokkomi tu Daud dadi datunna to Israel, susi kadanNa PUANG tu nalopian Samuel.

2 OSSORANNA DATU 23:16

Natananmi Yoyada tu misa’ basse lan alla’na, iamotu kalena na mintu’ to buda sola datu, kumua na iatu tau iato mai la dadi misa’ taunNa PUANG.

2 OSSORANNA DATU 29:10

Totemo lanmo penaangku la untanan basse sola PUANG, Kapenombanna to Israel, kumua nasoro’ tu kare’dekanna ara’Na dio mai kaleta.

2 OSSORANNA DATU 34:31

Bendanmi tu datu dio inanna, anna tanan misa’ basse dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia pa’pangada’Na sia iatu mintu’ apa Napondok sia unturu’i tu mintu’ kada basse tu disura’ lan sura’ iate.

EZRA 10:3

Melo ke untananki’ basse sola Kapenombanta, kumua la tasua male tu mintu’ baine sia mintu’ pia nadadian, situru’ tu pa’pakilalanna puangku sia mintu’ tau tu ma’parondo ungkataku’ pepasanNa Kapenombanta; melo ke lolangki’ unturu’i tu Sukaran aluk.

NEHEMIA 9:38

Bannang diomote mintu’nate untananmoki’ basse tang leluk anta patamai sura’, anna ca’i pangulunta sia to Lewinta sia to minaanta.

YEREMIA 34:8

Inde sia tu kada lu dio mai PUANG lako Yeremia tonna mangka tu datu Zedekia untanan allu’ sola mintu’ to buda, tu dio Yerusalem, la umpetamban kamentomakakanna tau iato mai.

2 KORINTUS 8:5

Sia tae’ nasusi manna tu kisanganna, sangadinna inang ussorongmo kalena dolo lako Puang, namane lako kaleki situru’ pa’poraianNa Puang Matua,

YOSUA 24:25

Allo iato untananmi basse tu Yosua sola bangsa iato napamanassanni tau iato mai tu apa dipondok sia atoran, dio Sikhem.

1 SAMUEL 10:25

Mangkato napokadami Samuel lako mintu’ tau tu atoran kadatuan, anna sura’i lan misa’ luntara’, anna patorroi dio oloNa PUANG; namane urrampunni Samuel tu mintu’ tau pantan sule lako banuanna.