2 DATU 11:14 - Sura' Madatu

¹⁴ Natiromi tu datu bendanmo dio to’ lentong situru’ lalan ada’ sia mintu’ kamandang sitangke tarompe’ ma’dioren sola datu; sia mintu’ to buda lan lu tondok iato siparannu-rannuan na umpannoni tarompe’. Nase’buse’bumi Atalya tu tamangkalena sia metamba nakua: Denmo, pa’tangnga’ leko’, pa’tangnga’ leko’!

2 DATU 11:14 ပူးပေါင်းရင်းမြစ်များ

KADADIAN 37:29

Iatonna sulemo tu Ruben lako to’ bubun, natiroi, a’a ta’demo tu Yusuf diong bubun, naserek-serekmi tu pakeanna.

KADADIAN 44:13

Naserek-serekmi tau iato mai sola nasangi tu tamangkalena, sia pantan napakendek tu karungna langngan keledainna, anna sule tama tondok.

1 DATU 1:25

Belanna allo iate malemo untunu sapi buda sia patuoan malompo sia domba anna tambai tu mintu’ anakna datu sia mintu’ pangulu rari sia to minaa Abyatar; marassanmo tu tau iato mai kumande sia mangiru’ dio olona, anna ma’kada nakua: Namaupa’mora tu datu Adonia.

2 DATU 11:15

Nasuami to minaa Yoyada tu mai kamandang ungkapalai saratu’ surodadu, iamotu mai pangulu surodadu, nakua: Solanni tassu’ lan tangnga-tangngana surodadu ma’tibang sia minda-minda tu unturu’i patei pa’dang. Belanna napokadamo to minaa, kumua: Podo da nadipatei lan banuanNa PUANG.

2 DATU 23:3

Bendanmi tu datu dio to’ lentong, anna tanan misa’ basse’ dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia kasa’bianNa sia mintu’ tu aluk Napondok sia untoe manda’i tu mintu’ kada basse tu disura’ lan sura’ iate. Iatu mintu’ to buda tamamo basse iato.

2 DATU 9:13

Madomi’mi pantan unnala sambu’na, naampa’imi tu lentekna dio to’ eran, napannonii tu napiri tanduk, anna metamba nakua: Yehumo tu datu.

2 DATU 9:23

Pakalan nabalikmi Yoram tu darangna, anna mallai, nama’kada lako Ahazia nakua: Denmo pa’tangnga’ leko’, Ahazia.

1 OSSORANNA DATU 12:40

Sia mintu’ tu to nasikandappiran tiku lao sae lako Isakhar, Zebulon na Naftali umbaa kande nateke’ dao keledai, unta, bagala’ na sapi, iamotu kande ta’pung digaragai, deppa bua ara dirangkei na deppa bua anggoro’ dirangkei, uai anggoro’ na minna’ sapi na domba sola bembe’ lendu’ budanna, belanna kaparannuanna mintu’ to Israel.

2 OSSORANNA DATU 34:31

Bendanmi tu datu dio inanna, anna tanan misa’ basse dio oloNa PUANG, kumua naturu’i tau tu PUANG sia lantuk penaanna sia deatanna ungkaritutui tu pepasanNa sia pa’pangada’Na sia iatu mintu’ apa Napondok sia unturu’i tu mintu’ kada basse tu disura’ lan sura’ iate.

SARAMBU PEADA’ 29:2

Iake sakerang-rangngannai kamatotoranna tu to malambu’ parannu tu to buda, apa iake ma’parentai tu to tang mekaaluk, sumarro tu to buda.

LUKAS 19:37

Iatonna rampomo lako aa’ buntu Zaitun, randukmi parannu-rannu penaanna tu mintu’ anak gurunNa sia unnarak-arrak umpudi-pudi Puang Matua, belanna mintu’ kamatotoran mangka natiro,