2 DATU 11:12 - Sura' Madatu

¹² Nasolammi lako salian tu anakna muane datu, napasongko’i makota, sia naben Kasa’bian. Susimoto tu tau iato mai unnangka’ datu; natokko, anna massala’pa-la’pa tu tau iato mai sia metamba-tamba nakua: Na maupa’mora tu datu!

2 DATU 11:12 ပူးပေါင်းရင်းမြစ်များ

2 SAMUEL 1:10

Kureke’mi lako angku patei, belanna kuissan, kumua ianna songkamo pissan, tae’mo katuoanna. Angku alai tu makota dao ulunna sia iatu ponto lan lengo-lengona; iamote kubaa lako puangku.

2 SAMUEL 12:30

Naalai tu makota dao mai ulunna datunna tau iato mai, sangtalenta tu bulaanna, diparimatai intan, anna pasongko’i tu Daud. Sia buda duka pangrampa nabaa datu lan mai tondok iato.

2 SAMUEL 16:16

Iatonna saemo tu Husai, to Arki, sangmanena Daud mennolo lako Absalom, nakuami, lako: Na maupa’mora tu puangku! Na maupa’mora tu puangku!

2 SAMUEL 2:4

Saemi tu to Yehuda anna tokkoi tu Daud dio la dadi datunna suku Yehuda. Napokadammi tau Daud kumua: To Yabesh dio Gilead tu ullamun Saul.

2 SAMUEL 2:7

Totemo pamatoto’komi kalemi sia pa’pekitananni tu kapiamuaneammi, moi anna matemo tu Saul, puangmi; ondongpi mangkamo’ natokko rapu Yehuda la undatui.

2 SAMUEL 5:3

Susi dukato tu mintu’ pekaamberan to Israel sae mennolo lako datu dio Hebron, anna sibasse datu Daud tu tau iato mai dio Hebron dio oloNa PUANG; mangkato natokkomi tu Daud dadi datunna to Israel.

1 DATU 1:25

Belanna allo iate malemo untunu sapi buda sia patuoan malompo sia domba anna tambai tu mintu’ anakna datu sia mintu’ pangulu rari sia to minaa Abyatar; marassanmo tu tau iato mai kumande sia mangiru’ dio olona, anna ma’kada nakua: Namaupa’mora tu datu Adonia.

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

1 DATU 1:39

Naalami to minaa Zadok tu tanduk nanii minna’ lan mai tenda, anna tokkoi tu Salomo; anna pannonii tau tu napiri tanduk, namintu’ to buda sipeoli-olian nakua: Namaupa’mora tu datu Salomo!

1 DATU 2:44

Sia nakuapa tu datu lako Simei: Muissan duka sia tu mintu’ kakadakean – lan duka sia penaammu – tu mugauran ambe’ku Daud; totemo la Napasule PUANG langngan ulummu tu mintu’ kakadakeammu.

2 DATU 11:11

Bendanmi tu mintu’ to ma’kampa pantan sitangke pa’buno randuk dio mai rampe kananna sae lako rampe kairinna banua, sikandappi’ inan pemalaran sia banua, untikui datu.

2 DATU 11:2

Apa iatu Yoseba, anakna baine datu Yoram, anak daranna Ahazia, male unnalai tu Yoas, anakna muane Ahazia, nabaa bunii sola to mantaranakna dio mai mintu’ anakna muane datu tu dipongko, anna patamai bilik dinii manganna inan kamammaran. Nabunian Atalya, naurungan tae’ nadipatei.

2 DATU 11:4

Iatonna taun ma’pempitu mesuami tu Yoyada untambai mintu’ pangulunna ke saratu’oi surodadu pa’tonno’ sia to ma’kampa, nasolanni tama banuanNa PUANG, sia sibasse tu tau iato mai sia nasua umpalao sumpa lan banuanNa PUANG. Mangkato napatiroammi tu anakna muane datu lako tau iato mai.

2 DATU 9:13

Madomi’mi pantan unnala sambu’na, naampa’imi tu lentekna dio to’ eran, napannonii tu napiri tanduk, anna metamba nakua: Yehumo tu datu.

2 DATU 9:3

Ammu alai tu busso’-busso’ nanii minna’ lan, ammu bolloanni dao ulunna, sia ma’kadako lako kumua: Inde sia tu kadanNa PUANG nakua: La Kutokkoko dadi datunna to Israel. Mangkato bungka’ko ba’ba mutarru’ liu male mallai.

2 OSSORANNA DATU 23:11

Nasolammi tau iato mai lako salian tu anakna muane datu, napasongko’i makota, nabenni Kasa’bian, sia naangka’ datu. Natokkomi Yoyada sola anakna muane, anna metamba nakua: Namaupa’mora tu datu.

ESTER 2:17

Mandumi nakamali’ datu tu Ester na iatu baine senga’, naurunganni nakamasei sia napakaboro’ datu losong na iatu mintu’ anak dara senga’, iamoto napasarongi datu makota kadatuan, anna tokkoi datu baine, ussonda Wasti.

ESTER 6:8

La nabaa tau tu pakean kadatuan, tu biasa datu kalena umpakei sia misa’ darang, tu biasa datu kalena ussakei, tu dibeloi makota kadatuan ulunna.

PA’PUDIAN 132:18

Iatu ualinna la Kubungku’ siri’, apa iatu ia, la pandillak dao ulunna tu makotana.

PA’PUDIAN 21:3

Mibenmo tu lalan penaanna, sia tae’ Mitumpui tu palaku nasa’bu’ randan dipudukna. Sela

PA’PUDIAN 21:4

Belanna Mipatammuimo rongko’ sanda maelo, sia Mipaluangimo makota bulaan tasak tu ulunna.

PA’PUDIAN 47:1

Lu lakona pangala sengo. Pa’pudianna to Korah.

PA’PUDIAN 78:5

Belanna mangkamo Natanan tu misa’ tanda dianna batu silambi’ dio lu tarukna Yakub, sia Napondok tu misa’ Sukaran aluk dio lu bati’na Israel, tu Napasan lako to dolota kumua anna pokadanni lanto mimi’na.

PA’PUDIAN 89:39

Moi anna susito, mangkamo Misuale sia tang Mibilangmo, sia sengkemoKomi lako to Mitokko.

PA’PUDIAN 98:8

Mintu’ salu la massala’pa-la’pa, sia mintu’ buntu la siangngaran.

KATASSURAN 25:16

La mupatama patti iato tu kasa’bian tu la Kubenko.

KATASSURAN 31:18

Iatonna mangkamo tu PUANG ma’kada lako Musa dao buntu Sinai, Nakamaseammi Musa tu da’dua papan batu kasa’bian, iamotu papan batu Nasura’ rakka’Na Puang Matua.

YESAYA 55:12

Belanna la tassu’komi situang kasendean sia la direnden marampa’komi, iatu buntu sia tanete la unnangnga’ dio tingayomi sia mintu’ kayu dio lu padang la massala’pa-la’pa.

YESAYA 8:16

Lulunni muporii tu kada dipaombo’ sia ca’i tu pepasan dio lu to’ anak gurungku.

YESAYA 8:20

Lako (manna) pepasan sia kada dipaombo’! Minda-minda tu ma’kada tang sipatu kada iato, tae’ anna la sitiro arrang melambi’.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

DANIEL 3:9

Messimanmi tu tau iato nama’kada lako datu Nebukadnezar, nakua: Namasakkemora tu datu sae lakona!

DANIEL 6:21

Iatonna reke’mi tu lo’ko’ singa, tang masero bangmo gamaranna tu datu untambai Daniel belanna masussa, anna ma’kada lako Daniel nakua: E Daniel, taunNa Puang Matua matontongan, iatu Kapenombanmu tu tontong mupengkaolai, Narampanan siarokoka dio mai singa?

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

MATIUS 27:29

Sia naampinniran sa’pi’ duri, napasa’pi’i, napatangkei tekken tallang tu lima kananNa; namalinguntu’ dio tingayoNa untelle-telleI, nakua: Tabe’ datu to Yahudi!

PENGGAURANNA RASULU’ 4:27

Belanna tonganna tongan lan te tondok iate mangkamo sirampun tu sia Herodes na Pontius Pilatus sola to kapere’ na mintu’ bangsa Israel unnea Yesu To masallo’Mi, tu mangka Mitokko,

2 KORINTUS 1:21

Ia tu mangka umpamanda’kan lan Kristus sia kamu duka na iatu mangka untokkokan, Iamotu Puang Matua;

IBRANI 1:9

Mikamali’ tu kamaloloan amMi sayu kakelokan: iamoto, o Kapenomban, anna bolloiKomi minna’ KapenombamMi tanda kasendean. NapalosongKomi na iatu mai solaMi.

IBRANI 2:9

Apa iatu Ia tu mangka dipopengkadiongan sattu’ na malaeka’, iamotu Yesu, tatiro dimakotai kamala’biran sia kadipangkeran, diona parri’ kamatean; kumua anna tete dio pa’kamaseanNa Puang Matua anNa perasai kamatean belanna mintu’ tolino.

KADA OMBO’ LAKO RASULU’ YOHANES 19:12

Iatu matanNa susito dukku api sia buda makota dao ulunNa; den misa’ sanga disura’ lako tu moi misa’ tau tae’ duka unnissanni, sangadi Ia manna Ia.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 10:24

Ma’kadami tu Samuel lako mintu’ tau, nakua: Mitiromoraka tu to Natonno’ PUANG, belanna moi misa’ tau tae’ padanna lan te mintu’ tau. Unnarrak-arrakmi tu mintu’ tau, nakua: La maupa’ tu datu!

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.