2 DATU 10:5 - Sura' Madatu

⁵ Mesuami tu pangulu to mase’ponna datu sia kamandang kota sia iatu mai pekaamberan sia to ma’pangada’ lako Yehu, nakua: Iate kamite taummikan, iatu mintu’ parentami kidudung, moi misa’ tau tae’ra kiangka’ datu; apa iatu misanganna melo, pogau’mi.

2 DATU 10:5 ပူးပေါင်းရင်းမြစ်များ

1 DATU 20:32

Massambu’ karoro’mi tu tau iato, sia napotali tu ulang; anna male umpennoloi datu to Israel. Ma’kadami lako nakua: Inde sia tu kadanna taummi Benhadad, nakua: Katirinnai dikka’ tu sunga’ku. Nakuami tu datu: Tuo siaparaka ia? Siulu’ku to.

1 DATU 20:4

Mebalimi tu datu to Israel nakua: Susitu kadammi, puangku datu, aku te taummina’ sia mintu’ tu mai apa kuampui.

2 DATU 10:6

Iatu Yehu ma’penduanmo massura’ to lako tau iato mai, nakua: Iake la situru’ki’ sia miperangii tu kadangku, alai ulunna tu mintu’ muane, iamotu mai anakna puangmi, ammi sae lako kaleku dio Yizreel, masiang ke attu susite. Iatu mai anakna datu pitungpulo torro dio lu to kapua lan tondok, tu to unnada’i.

2 DATU 18:14

Ussuami pesua tu Hizkia, datu Yehuda, lako datu Asyur dio Lakhis, nakua: Salamo’; serekomi dio mai kaleku, na apa-apa tu mipapassananna’ la kupassan. Napapassannimi datu Asyur tu Hizkia, datu Yehuda, tallu ratu’ talenta salaka na tallungpulo talenta bulaan.

YEREMIA 27:17

Da miperangii, sangadinna tontongkomi umpengkanorongi datu Babel, ammi makarimman. Ma’apai te kota iate anna la daun lauan?

KADIBILANGAN 11:12

Akuraka untambukki te bangsa iate, ba’tu akuraka undadianni, amMi ma’kadara lako kaleku kumua: Kayunni diong riammu, susi misa’ to mantaranak ungkayun pia ma’susu, sia baai lako tondok tu Miallu’ umpalao sumpa lako nene’ to dolona?

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

YOSUA 9:11

Iamoto nama’kada tu mintu’ pekaamberangki sia mintu’ to lan tondokki lako kaleki, nakua: Baakomi kinallo dio lu lalan ammi male sitammu tu tau iato mai, sia ma’kadakomi lako, kumua: kami te taummi, melo ke sibasseki’.

YOSUA 9:8

Ma’kadami tu tau iato lako Yosua, nakua: Iate kami sola nasang taunna puang. Mekutanami tu Yosua lako, nakua: Mindarokomi sia umbara minii sae?