2 DATU 10:31 - Sura' Madatu

³¹ Apa tang ponno penaanna tu Yehu ungkaritutui Sukaran alukNa PUANG, Kapenombanna to Israel, belanna tae’ naboko’i tu kasalanna Yerobeam, tu napa’pesuan lako to Israel umpogau’i.

2 DATU 10:31 ပူးပေါင်းရင်းမြစ်များ

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

1 DATU 2:4

Anna palanda’i PUANG tu pangallu’ tu mangka Napokada diona aku kumua: Iake nakaritutui meloi anakmu tu mai lalanna sia lolang maruru’ dio oloKu sia lantuk tu penaanna sia kalebu deatanna, manassa moi misa’ bati’mu tang la ka’tu unnisungi isungan kapayunganna Israel.

2 DATU 10:29

Sangadinna ia manna tu kasalanna Yerobeam, anakna Nebat, tu napa’pesuan lako to Israel umpogau’i, tae’ naboko’i Yehu, iamotu mai anak sapi bulaan dio Betel sia dio Dan.

2 DATU 17:22

Iamoto napeolaimi to Israel tu mintu’ kasalan napogau’ Yerobeam; tae’ natorroi,

2 DATU 3:3

Moi nasusito la’ka’ duka lako kasalan, tu napesuan Yerobeam, anakna Nebat lako to Israel umpogau’i; tae’ naboko’i tu kasalan iato.

2 OSSORANNA DATU 6:16

Na totemo, o PUANG, Kapenombanna to Israel, palanda’mi tu apa mangka Mipokada lako taumMi Daud, ambe’ku, kumua: Tang ka’tu tu bati’mu dio oloKu la unnisungi kapayunganna Israel, podo ke ungkaritutui lalanna tu anakMu muane sia unturu’ Sukaran alukKu susi kalolangammu dio oloKu.

NEHEMIA 10:29

nasituru’i mintu’ siulu’na, iamotu to mala’bi’na, anna takoi passanan tengkona menggata sia umpalao sumpa la lolang unturu’ Sukaran alukNa Puang Matua tu Napa’bengan Puang Matua nalopian Musa, taunNa Puang Matua sia la birisan ungkaritutui tu mintu’ pepasan, atoran sia apa Napondok PUANG, Puangta.

PA’PUDIAN 119:9

Umba la nakua ungkaritutui gau’na tu to mangura anna masero? Iapi ke nakaritutui susitu kadamMi.

PA’PUDIAN 39:1

Lu lakona pangala sengo; lako Yedutun. Pa’pudianna Daud.

PA’PUDIAN 78:10

Tae’ anna toe manda’i tu basseNa Puang Matua sia manoka unturu’ atoran Sukaran alukNa.

SARAMBU PEADA’ 4:23

Karitutui tu penaammu losong na mintu’ apa sipatu dikaritutui, belanna lan mai nanii bu’tu tu kalimbuang katuoan.

YEHEZKIEL 36:27

La Kubenkomi PenaangKu la tama ba’tengmi sia Kupadadikomi to unturu’ apa Kupondok sia makaritutu umpogau’ atorangKu.

DANIEL 9:10

sia tang umperangiimokan gamaranNa PUANG, Kapenombangki, sia tang unturu’mokan sukaran aluk, tu mangka Nabenkan nalopian mintu’ taunNa, iamotu mai nabi.

PA’TOLE 4:15

Iamoto kanandai tongankomi kalemi – belanna tae’ mitiro misa’ pa’kalean tonna allo, Nanii PUANG ma’kada lako kalemi dao Horeb lan mai tangnga to’ api

PA’TOLE 4:23

Kanandai tu kalemi, da mikalupai tu basseNa PUANG, Kapenombammi, tu mitanan sola, ammi garagai tu rapang-rapang dipodeata, merrupa misa’ apa, tu Napa’gagai PUANG, Kapenombammu, lako kalemu.

PA’TOLE 5:33

Mintu’ lalan tu mangka Napepasanan PUANG, Kapenombammi, lako kalemi, la miola, ammi tuo sia malaga’-laga’ sia malambe’ sunga’komi torro lan tondok tu la miala mipoapa.

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

IBRANI 2:1

Iamoto la losong tapalan ara’ tu mintu’na apa mangka tarangi, dikua da anta tipero’ senga’.