2 DATU 10:26 - Sura' Madatu

²⁶ Nabaami tassu’ lan mai banuanna tu mintu’ batu dipodeata, napura umballai.

2 DATU 10:26 ပူးပေါင်းရင်းမြစ်များ

2 SAMUEL 5:21

Natampemi tau iato mai tu mintu’ rapang-rapang dipodeatanna, anna alai Daud sola mintu’ taunna.

1 DATU 14:23

Napabendan duka tau iato mai tu inan madao sia batu dipodeata sia lentong kayu dipodeata dao lu mintu’ tanete madao sia diong lu mintu’ garonto’ kayu makampu.

1 DATU 15:13

Moi na iatu Maakha, indo’na, natassu’i dadi datu baine, belanna unggaragai rapang-rapang megallian, iamotu Asyera. Nata’tak-ta’tak Asa tu rapang-rapang megallian iato sia naballa diong lombok Kidron.

1 DATU 16:32

Napabendanammi Baal tu misa’ inan pemalaran lan banua Baal, tu nagaragai dio Samaria.

2 DATU 11:18

Iatu mintu’ pa’tondokan male lako banua dinii umpenombai Baal anna rondonni; sia natesse tu mai inan pemalaranna sola rapang-rapang dipodeatanna sia napatei duka tu Matan, to minaanna Baal, dio tingayo inan pemalaran. Nasuami to minaa tu tau ungkampai banuanNa PUANG.

2 DATU 18:4

Naratoimi tu mintu’ inan madao dinii memala’, sia natesse-tesse tu batu dipodeata sia nalelleng tu lentong kayu dipodeata, sia nanisak-nisak duka tu ula’ tambaga tu nagaragai Musa, belanna sae lako allo iato nanii to Israel memala’. Nasangaimi tau Nehustan.

2 DATU 19:18

Na iatu rapang-rapang dipodeatanna napembuangan tama api, belanna tangia kapenomban, sangadinna panggaraga to lino bangsia, tu kayu sia batu digaraga, iamoto nakullei ussanggangi.

2 DATU 23:12

Iatu mintu’ inan pemalaran dao papa, sikandappi’ bilik mengkadaoanna Ahas, tu nagaragai datu Yehuda, sia mintu’ tu inan pemalaran napabendan Manasye, tu lan da’dua tarampak banuanNa PUANG, narondon datu sia naangka’i inde to dio mai tu barra’-barra’na, anna buangi rokko salu’-salu’ Kidron.

2 DATU 23:4

Mesuami tu datu lako tominaa kapua Hilkia sia mintu’ tominaa undampi’i sia mintu’ pa’kampa babangan, la umpatassu’i lan mai banua kabusunganNa PUANG tu mintu’ parea, tu digaragan Baal sia Asyera sia mintu’ ma’dandan maritik dao langi’; anna ballai tu mintu’nato dio saliananna kota Yerusalem dio rante salu Kidron, na iatu aunna nabaa lako Betel.

2 DATU 23:6

Sia napatassu’ duka datu tu lentong kayu dipodeata lan mai banuanNa PUANG lako salianna Yerusalem, lako salu’-salu’ Kidron, sia natunu dio biring salu’-salu’ Kidron sia nanisak-nisak nadadi au, namane ussamboranni dio to’ lamunanna to kamban.

2 DATU 3:2

Napogau’mi tu apa kadake dio pentiroNa PUANG, apa tae’ nasusi ambe’na sia indo’na; naputtai ia tu batu Baal dipodeata tu nagaragai ambe’na.

1 OSSORANNA DATU 14:12

Natampe dukami tau iato mai tu mintu’ rapang-rapang dipodeatanna inde to dio, anna pa’pesuanni Daud umballai api.

2 OSSORANNA DATU 34:7

narondonni nasang tu inan pemalaran sia iatu lentong dipodeata sia nanisak-nisak tu rapang-rapang dipodeata dipa’, sia iatu mintu’ inan pemalaran pantunuan dupa tu lan lu mintu’ tondok Israel, nasanggang-sanggang nasang. Mangkato sulemi tu datu lako Yerusalem.

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

PA’TOLE 7:5

Apa la mipogau’ lako kalena susite, iamotu la mirondon tu inan pemalaranna sia la mitesse tu batu dipodeatanna sia la milelleng tu lentong kayu dipodeatanna sia la miballa tu rapang-rapang dipodeata dipa’na.