2 DATU 10:25 - Sura' Madatu

²⁵ Iatonna mangkamo tu tau umpemalaran pemala’ ditunu pu’pu’, ma’kadami Yehu lako mintu’ to ma’kampa sia kamandang, nakua: Malekomi tama, ammi patei tu tau iato mai, moi misa’ tau da mipalussu’i. Napateimi pa’dang sola nasangi, anna tibei tu mai to ma’kampa sia kamandang tu batang rabukna. Undinnato sulemi tama lili’ kota, tu kampong nanii banua Baal.

2 DATU 10:25 ပူးပေါင်းရင်းမြစ်များ

1 DATU 18:40

Ma’kadami tu Elia lako tau iato mai nakua: Tingkanni tu mintu’ nabi Baal, moi misa’ tae’ nama’din lussu’. Natingkanmi anna solan nasangi Elia rokko salu Kison, napatei inde to.

2 DATU 11:18

Iatu mintu’ pa’tondokan male lako banua dinii umpenombai Baal anna rondonni; sia natesse tu mai inan pemalaranna sola rapang-rapang dipodeatanna sia napatei duka tu Matan, to minaanna Baal, dio tingayo inan pemalaran. Nasuami to minaa tu tau ungkampai banuanNa PUANG.

2 DATU 23:20

Sia napatei tu mintu’ to minaa inan madao, tu torro inde to dio, dao inan pemalaran sia naballa dao tu buku to mate. Mangkato sulemi tu datu lako Yerusalem.

KATASSURAN 22:20

Minda-minda memala’ lako deata, natae’ na lako manna PUANG, manassa la disabu’i.

KATASSURAN 32:27

Ma’kadami Musa lako tau iato mai nakua: Susite tu kadanNa PUANG, iamotu Kapenombanna to Israel, Nakua: Pada untakinkomi pa’dangmi, mimale lu lako lu dio mai lan lu to’ tenda dio mai misa’ ba’ba lako ba’ba senga’, ammi pada umpatei tu siulu’mi sia sangmanemi sia solami.

1 SAMUEL 22:17

Ma’kadami datu lako mintu’ to ma’kampana tu bendan dio sa’dena patomali, nakua: Iamo, pateimi tu mintu’ to minaanNa PUANG, belanna sanginaa duka Daud tu tau iato; naissan tu diona kamallaianna, anna tae’ napokadan bunina’. Apa tang tikambe limanna tu mintu’ surodadunna datu la urrokki tu mintu’ to minaanNa PUANG.