2 DATU 10:21 - Sura' Madatu

²¹ Mesuami tu Yehu lako mintu’ to Israel, nassae nasang tu to umpengkaolai Baal, moi misa’ tau tae’mo torro. Male nasangmi tama banua dinii umpenombai Baal, naurungan ponno tu banuanna Baal randuk dio mai tampakna sae lako tampak sangbalinna.

2 DATU 10:21 ပူးပေါင်းရင်းမြစ်များ

1 DATU 16:32

Napabendanammi Baal tu misa’ inan pemalaran lan banua Baal, tu nagaragai dio Samaria.

2 DATU 10:22

Ma’kadami tu Yehu lako to ma’kampa inan pakean, nakua: Patassu’i tu pakean tu napake to umpengkaolai Baal. Napatassurammi pakean tu tau iato mai sola nasang.

2 DATU 11:18

Iatu mintu’ pa’tondokan male lako banua dinii umpenombai Baal anna rondonni; sia natesse tu mai inan pemalaranna sola rapang-rapang dipodeatanna sia napatei duka tu Matan, to minaanna Baal, dio tingayo inan pemalaran. Nasuami to minaa tu tau ungkampai banuanNa PUANG.

YOËL 3:2

la Kurampun tu mintu’ bangsa, angKu solanni rokko lombok Yosafat, na inde to diong la Kunii urra’ta’i tu ukunganna tau iato mai belanna taungKu sia taa mana’Ku, iamo tu Israel, tu napatitale’ tau iato mai dio lu mintu’ bangsa, tonna taa-taai tu padangKu.

KADA OMBO’ LAKO RASULU’ YOHANES 16:16

Narampunmi penaa deata masussuk tu mintu’ datu lino sirampun dio misa’ inan tu disanga lan basa Ibrani: Harmagedon.

TO PARENGNGE’ 16:27

Iatu banua iato ponno muane sia baine; mintu’ arung kota to Filistin dio ren, sia dao soto banua iato agi-agi tallungsa’bu muane sola baine, umpengkitai tu Simson maningo.