2 DATU 10:19 - Sura' Madatu

¹⁹ Iamoto tambai nasangmi tu mai nabi Baal sia iatu mai to umpengkaolai sia mintu’ to minaanna, moi misa’ tae’ tang la dioren, belanna la kupogau’ tu misa’ pemala’ kapua lako Baal. Minda-minda tang ma’dioren, tae’ nala dipatuo. Iate napogau’ Yehu ma’pakena bangri, kumua namangsanni nasangi tu to umpengkaolai Baal.

2 DATU 10:19 ပူးပေါင်းရင်းမြစ်များ

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 22:6

Napasipulungmi datu to Israel tu mai nabi, agi-agi a’pa’ ratu’ tau, anna mekutana lako tau iato mai, nakua: La laoraka kurarii tu Ramot dio Gilead, da’i bangmiraka to? Mebalimi tu tau iato mai nakua: Laomokomi, belanna la Nasorong PUANG tu kota iato tama limanna datu.

2 DATU 10:18

Narampunmi Yehu tu mintu’ to buda, anna ma’kada lako nakua: Iatu Ahab ke menombai lako Baal, kurang siapa, apa iatu Yehu la losong ia ke menombai.

2 DATU 3:13

Apa ma’kada tu Elisa lako datu to Israel nakua: La siapariki’? Malemokomi lako tu mai nabinna ambe’mi sia lako tu mai nabinna indo’mi. Apa nakua tu datu to Israel lako: Da mima’kada susito, belanna Natambaimo PUANG tu datu tallu la Nasorong tama limanna to Moab.

AYUB 13:7

La mitongananraka tu Puang Matua, ke ma’kada tang tongankomi sia mitongananraka tu Puang, ke ma’kada buttokkomi?

SARAMBU PEADA’ 29:5

Iatu to ussede-sede bang padanna tolino, natananni porro’ tu pentengkana.

2 KORINTUS 11:3

Apa mataku’na’ susi manii ula’ umpakena Hawa napalaoi tangnga’na, susi duka manii to dipatangma’rundunan penaammi sia dipasepang dio mai kamalamburan sia kamaseroan ma’palulako Kristus.

2 KORINTUS 4:2

sangadinna kirampanammo tu mintu’ apa kabunian, tu umpabu’tunna kamasirisan, sia tae’ kipogau’i tu pakira-kira ba’tu untuka’i kadanNa Puang Matua, sangadinna umpamanassakan tonganna, angki pa’petandan kaleki lako sukaran inaanna mintu’ tau dio oloNa Puang Matua.

1 TESALONIKA 2:3

Belanna iatu pa’pakilalangki tang lu dio mai kapusan, ba’tu dio mai penaa kelok, sia tae’ naturu’i pakira-kira.