2 DATU 10:15 - Sura' Madatu

¹⁵ Iatonna malemo dio mai sitammumi Yonadab, anakna Rekhab, tu sae umpessitammui. Nasalama’mi Yehu nama’kada nakua: Malolo siaraka penaammu lako kaleku susi penaangku malolo lako kalemu? Mebalimi, tu Yonadab nakua: Io tonganna. Ma’kadami Yehu lako nakua: Iake susito, tasitoe limamo. Sitoe limami sola duai. Nasuai kendek langngan karetana.

2 DATU 10:15 ပူးပေါင်းရင်းမြစ်များ

KADADIAN 31:55

Iatonna mela’bik la ke’de’mi tu Laban, anna udung nasangi tu mai bati’na muane sia baine sia napassakke, anna male sule lako tondokna.

KADADIAN 47:10

Napassakkemi Yakub tu Firaun anna messiman sun dio mai olona Firaun.

KADADIAN 47:7

Nasolanni Yusuf tu Yakub, ambe’na, anna popangoloi lako Firaun; napassakkemi Yakub tu Firaun.

1 DATU 20:33

Nakanassaimi tau iato tu tanda melo iate, namadomi’ unnarra’i tu kadanna, nakua: Tonganna iatu Benhadad siulu’na puangki. Nakuami tu datu: Malekomi untambai tu puangmi dio mai. Tassu’mi tu Benhadad sae umpessitiroi datu, anna pakendekki datu langngan kareta.

2 DATU 10:13

nakabu’tuimi Yehu tu mintu’ siulu’na Ahazia, datu to Yehuda, mekutanami lako nakua: Mindarokomi te? Mebalimi tu tau iato nakua: Kami sola nasang te, siulu’nakanni Ahazia, saekan unto’longi mintu’ anakna datu sia anakna datu baine.

2 DATU 10:14

Mesuami tu Yehu nakua: Tingkan tuoi tu mati’ tau. Natingkan tuomi anna pongkoi dio to’ bubun Bet-Eked tu muane patangpulo ndua moi misa’ tae’ napatuo len.

2 DATU 9:21

Nakuami tu Yoram: Palakoimi darang tu kareta. Naalami tau tu kareta, napalakoi darang. Ke’de’mi tu Yoram, datu to Israel sia Ahazia, datu to Yehuda, pantan dao karetana, anna tassu’ sola duai lao umpessitammui Yehu. Sitammumi dio pa’lakna Nabot, to Yizreel.

1 OSSORANNA DATU 2:55

Iatu pa’rapuanna to massura’ umpa’tondokki Yabes iamotu to Tirati, to Simati, to Sukhati; iamoto tu to Keni, bati’na Hamat, ambe’na rapu Rekhab.

EZRA 10:19

Umpasisala’pami limanna tu tau iato mai sia mangallu’ la ussuai male tu bainena; iatu suru’ pengkalossoranna tau iato mai, iamotu misa’ domba laki dio mai tuntunan dombana.

NEHEMIA 3:14

Iatu babangan Au napemeloi Malkia, anakna Rekhab, kapala lembang Bet-Kerem. Nabangun sule, sia naba’bai, anna palakoi salli’na sia gontingna.

PA’PUDIAN 94:16

Mindara tu la untunduina’ unnea to umpogau’ kakadakean? Sia mindara tu la umpessula’ina’ unnea to sakka’ gau’?

YEREMIA 35:2

Maleko lako bati’na Rekhab, ammu sipa’kada, ammu baai lako banuanNa PUANG, tama misa’ sapa’ sia pairu’i uai anggoro’.

YEHEZKIEL 17:18

Napamatunamo tu sumpa, belanna napoka tu basse; moi namangkamo sitoe lima, umpogau’i tu mintu’ apa iato; tae’ nala tilendok.

PENGGAURANNA RASULU’ 8:31

Nakuami: Umba la dikua unnissanni, ke tae’i tau umpatuduki’? Natambaimi tu Filipus kendek unno’ko’ sola.

GALATIA 2:9

iatonna kanassami tinde tau tu pa’kamasean disorong lako kaleku, sitoe limamo’ sola Barnabas tu mai sia Yakobus na Kefas na Yohanes, tu dibilang paloloan kombongan, tanda kasisanginaan, kumua angki lu lako to kapere’, anna lu lako ia to disunna’.

GALATIA 4:12

E kamu sangsiulurangku, kupalaku lako kalemi ammi susi aku te, belanna aku te susi dukana’ kamu. Moi misa’ tae’ miposala lako kaleku.