2 DATU 10:14 - Sura' Madatu

¹⁴ Mesuami tu Yehu nakua: Tingkan tuoi tu mati’ tau. Natingkan tuomi anna pongkoi dio to’ bubun Bet-Eked tu muane patangpulo ndua moi misa’ tae’ napatuo len.

2 DATU 10:14 ပူးပေါင်းရင်းမြစ်များ

1 DATU 20:18

Nakuami: Iake tassu’i tu tau iato mai la massikaelo, tingkan tuoi, sia iake tassu’i la parari, ke ma’dinni tingkan tuo dukai.

2 DATU 10:12

Ta’pa ke’de’mi male tu Yehu lako Samaria. Iatonna rampomo lako lalanna dio Bet-Eked, inan to manglaa,

2 DATU 10:13

nakabu’tuimi Yehu tu mintu’ siulu’na Ahazia, datu to Yehuda, mekutanami lako nakua: Mindarokomi te? Mebalimi tu tau iato nakua: Kami sola nasang te, siulu’nakanni Ahazia, saekan unto’longi mintu’ anakna datu sia anakna datu baine.

2 DATU 10:15

Iatonna malemo dio mai sitammumi Yonadab, anakna Rekhab, tu sae umpessitammui. Nasalama’mi Yehu nama’kada nakua: Malolo siaraka penaammu lako kaleku susi penaangku malolo lako kalemu? Mebalimi, tu Yonadab nakua: Io tonganna. Ma’kadami Yehu lako nakua: Iake susito, tasitoe limamo. Sitoe limami sola duai. Nasuai kendek langngan karetana.

2 DATU 10:6

Iatu Yehu ma’penduanmo massura’ to lako tau iato mai, nakua: Iake la situru’ki’ sia miperangii tu kadangku, alai ulunna tu mintu’ muane, iamotu mai anakna puangmi, ammi sae lako kaleku dio Yizreel, masiang ke attu susite. Iatu mai anakna datu pitungpulo torro dio lu to kapua lan tondok, tu to unnada’i.

2 DATU 11:1

Iatonna tiromi Atalya, indo’na Ahazia kumua iatu anakna matemo, ta’kala malemi umpatei nasangi tu bati’na datu.

2 DATU 8:18

Unturu’mi bate lalanna mintu’ datu Israel, susi penggauranna to lan tongkonan layukna Ahab, belanna umpobaine anakna Ahab; napogau’i tu apa kadake dio pentiroNa PUANG.

2 OSSORANNA DATU 22:10

Iatonna issanmi Atalya, indo’na Ahazia, kumua mangkamo mate tu anakna, ke’de’mi anna patei nasangi tu mintu’ bati’na datu lan banuanna Yehuda.

2 OSSORANNA DATU 22:8

Iatonna parampo Yehu ukungan lako to lan banuanna Ahab, naappa’mi tu mintu’ pangulu Yehuda sia mintu’ anakna muane siulu’na Ahazia, iamotu to mase’ponna Ahazia, anna patei tu tau iato mai.

YEREMIA 41:5

saemi dio mai Sikhem sia Silo sia Samaria karua pulona tu to diku’ku’i danggo’na sia serek-serek pakeanna sia ditori’-tori’ kuli’na sia umbaa kande la dipemalaran sia dupa lako banuanNa PUANG.