2 DATU 10:11 - Sura' Madatu

¹¹ Napatei dukapa Yehu tu mintu’ to lan banuanna Ahab, tu torrona dio Yizreel sia mintu’ to kapuana na mintu’ to manappa’na sia to minaanna, naurungan moi misa’ tae’mo napatuo tu tau iato mai.

2 DATU 10:11 ပူးပေါင်းရင်းမြစ်များ

1 DATU 14:10

Iamoto manassa la Kuparampoi kamandasan tu bati’na Yerobeam. Sia iatu mai muane, bati’na Yerobeam, la Kumangsanni sola nasang, la to mala’bi’na la to bitti’na dio lu to Israel. Kusapui tu mai bati’na Yerobeam, susito ussapui tai, naurungan tae’mo tinampe len.

1 DATU 15:29

Iatonna mane mangka ma’parenta, napateimi tu mintu’ bati’na Yerobeam; tae’ nasesai tu kepenaanna dio lu Yerobeam, namangsanni nasang, susitu kada Napokada PUANG nalopian taunNa, iamotu Ahia, to Silo,

1 DATU 16:11

Iatonna ma’parentamo anna unnisung dao isungan kapayungan, napatei nasangmi tu mintu’ bati’na Baesa, moi misa’ muane tae’ napatuoi, la iatu mai sangdadianna la iatu mai sangmanena.

1 DATU 18:19

Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.

1 DATU 18:40

Ma’kadami tu Elia lako tau iato mai nakua: Tingkanni tu mintu’ nabi Baal, moi misa’ tae’ nama’din lussu’. Natingkanmi anna solan nasangi Elia rokko salu Kison, napatei inde to.

1 DATU 21:22

Sia iatu bati’mu la Kupasusi bati’na Yerobeam, anakna Nebat, sia Kupasusi bati’na Baesa, anakna Ahia, belanna mupabu’tu tu pa’dik penaa, napobannang to Israel umpogau’ kasalan.

1 DATU 21:29

Mutiromoraka, kumua iatu Ahab umpamadiongan kalena dio oloKu? Belanna umpamadiongammo kalena dio oloKu, iamoto natae’ angKu la umparampoi kamandasan ke tuopi, sangadinna angge tuonapi anakna muane, Kumane umparampoi kamandasan tu bati’na.

1 DATU 22:6

Napasipulungmi datu to Israel tu mai nabi, agi-agi a’pa’ ratu’ tau, anna mekutana lako tau iato mai, nakua: La laoraka kurarii tu Ramot dio Gilead, da’i bangmiraka to? Mebalimi tu tau iato mai nakua: Laomokomi, belanna la Nasorong PUANG tu kota iato tama limanna datu.

2 DATU 10:12

Ta’pa ke’de’mi male tu Yehu lako Samaria. Iatonna rampomo lako lalanna dio Bet-Eked, inan to manglaa,

2 DATU 23:20

Sia napatei tu mintu’ to minaa inan madao, tu torro inde to dio, dao inan pemalaran sia naballa dao tu buku to mate. Mangkato sulemi tu datu lako Yerusalem.

2 DATU 9:7

La mupatei tu mintu’ to lan banuanna Ahab, puangmu, kumua angKu tuntunni tu bala’na rarana taungKu, iamotu mintu’ nabi sia mintu’ taunNa PUANG, lako Izebel.

2 DATU 9:9

Attu iato iatu bati’na Ahab la Kupasusi bati’na Yerobeam, anakna Nebat, sia bati’na Baesa, anakna Ahia.

2 OSSORANNA DATU 22:7

Iatu Ahazia male untollongi Yoram, anna pobannangi kasangganganna tete dio panglampakNa Puang Matua, belanna tonna rampomo dio, tassu’mi sola Yoram la umpessitammui Yehu, anakna Nimsi, tu mangka Natokko PUANG, la ussabu’i mintu’ to lan banuanna Ahab.

2 OSSORANNA DATU 22:8

Iatonna parampo Yehu ukungan lako to lan banuanna Ahab, naappa’mi tu mintu’ pangulu Yehuda sia mintu’ anakna muane siulu’na Ahazia, iamotu to mase’ponna Ahazia, anna patei tu tau iato mai.

AYUB 18:19

Tang la membati’ sia tang la mentaruk dio lu bangsana, sia tae’mo misa’ tau la torro lan inan nanii.

PA’PUDIAN 109:13

Sangapaoi anna diroto’i tu tarukna; anna iatu sanganna dipa’dei dio papa’ sidampi’na.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

SARAMBU PEADA’ 13:20

Minda-minda sikabiasa to kinaa, manassa la kinaa; apa minda-minda tu sikadamak tobaga, manassa la mengkadake.

HOSEA 1:4

Ma’kadami tu PUANG lako kaleku Nakua: La musangai Yizreel, belanna tae’mo nala masai angKu pembalaranni tu rarana Yizreel lako bati’na Yehu, sia angKu pa’dei tu kadatuanna bati’na Israel.

YOSUA 10:30

Nasorong dukami PUANG tu kota iato sia datunna tama limanna to Israel. Napatei pa’dang tu mintu’ issinna sia mintu’ kepenaanna lan; moi misa’ tae’ nalussuran sia nagau’ tu datunna susitu penggauranna lako datu Yerikho.

YOSUA 11:8

Nasorongmi PUANG tama limanna to Israel anna taloi sia naula’ sae lako Sidon-Kapua sia sae lako Misrefot-Maim, sia sae lako lombok Mizpa ma’palulako matallo. Napateimi tu tau iato, moi misa’ tae’ nalussuran.

YOSUA 15:56

Yizreel, Yokdeam, Zanoah,

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 20:10

Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.