2 DATU 1:9 - Sura' Madatu

⁹ Nasuami datu lako tu misa’ kamandang ungkapalai surodadu limangpulo sola tu surodadunna limangpulo. Kendekmi langngan Elia, belanna iatu Elia unno’ko’ dao botto tanete, sia ma’kada lako nakua: E taunNa Puang Matua, napa’parentan datu, kumua mengkalaokomi!

2 DATU 1:9 ပူးပေါင်းရင်းမြစ်များ

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

1 DATU 18:10

La lelukraka tuoNa PUANG, Kapenombammi, manassa tae’ tu misa’ bangsa sia kadatuan nasala nanii puangku ussua tau lako undaka’komi; ianna kuai tu tau iato mai, kumua: tae’ ia inde, nasuami tu bangsa sia kadatuan iato umpalao sumpa, kumua tae’ naappa’komi.

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

1 DATU 18:42

Malemi tu Ahab kumande sia mangiru’, apa iatu Elia male langngan botto Karmel, anna tukku rokko padang, lan alla’na guntu’na.

1 DATU 19:2

nasuami Izebel tu misa’ tau umpokadanni Elia, kumua: nasanggangimira mintu’ deata sia la narangnganni pole’pa, ke tae’i namasiang attu susi duka te, angku pasusii sunga’na ke simisa’i tau iato mai tu sunga’mu.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

2 DATU 2:25

Ke’de’mi tu Elisa inde to dio mai, namale lako buntu Karmel na inde to dio mai nanii sule lako Samaria.

2 DATU 4:25

Susito malemi anna rampo lako taunNa Puang Matua dao buntu Karmel. Iatonna tiromi taunNa Puang Matua tonna mambela-belapa, ma’kadami lako Gehazi taunna, nakua: Tiromi saemo tu baine to Sunem.

YEREMIA 35:4

Kusolammi tu tau iato mai tama banuanNa PUANG, tama sapa’na bati’na Hanan, anakna Yigdalya, taunNa Puang Matua, tu sisapa’-sapa’na mintu’ arung, daona lu sapa’na Maaseya, anakna Salum, to ma’kampa ba’ba.

AMOS 7:12

Undinnato ma’kadami tu Amazia lako Amos nakua: E to patanda-tandan! mallaiko madoi’ lako tondok Yehuda; inde to dio la munii ungkande roti sia ma’nubua’.

MATIUS 14:3

Iatu Herodes mangkamo untingkan Yohanes anna pungoi, napatamai pa’tarungkuan tu belanna Herodias bainena Filipus, siulu’na.

MATIUS 26:68

sia nakua: Pa’nubuarangkanni, e Kristus, mindara tu ungkambeikomi?

MATIUS 27:29

Sia naampinniran sa’pi’ duri, napasa’pi’i, napatangkei tekken tallang tu lima kananNa; namalinguntu’ dio tingayoNa untelle-telleI, nakua: Tabe’ datu to Yahudi!

MARKUS 15:29

Iatu to lendu’ inde to dio ullo’bo-lo’boI sia unniling-iling, nakua: Ai’! iti’ To urrondonni Banua Kabusungan natallung allori Napabendanmi suleo!

MARKUS 15:32

E Kristus, Datu to Israel! mengkalaomoKomi dao mai kayu pea’ta’, angki kitai sia kipatonganni. Iatu to Nasisolan dia’ta’ untelle-telle dukaI.

LUKAS 9:54

Iatonna tiromi anak gurunNa, iamotu disanga Yakobus na Yohanes, tu iannato, nakuami: O Puang! Mieloranraka angki sua api mengkalao dao mai langi’ la ummangsanni tu tau?

IBRANI 11:36

Na iatu to senga’ umpatanan peroso, petelle-telle, sia diongkan-ongkan, sia rante bassi sola pa’tarungkuan.

1 SAMUEL 19:21

Naparampomi tau lako Saul tu iannato, anna suai ba’tu pira-pira to senga’, apa tiakka’ duka penaanna ma’nubua’. Nasua pole’omi tu ba’tu pira-pira tau tonna ma’pentallunnamo, apa tau iato mai tiakka’ duka penaanna ma’nubua’.