2 DATU 1:4 - Sura' Madatu

⁴ Iamoto, inde sia tu kadanNa PUANG Nakua: Tae’ mula millik dao mai inan kamammarammu tu munii mamma’ dao, sangadinna inang la matemoko. Malemi tu Elia.

2 DATU 1:4 ပူးပေါင်းရင်းမြစ်များ

KADADIAN 2:17

apa iatu kayu kapaissanan diona melo anna kadake da mukandei, belanna randuk allo iato ke mukandei, la ma’lalan mateko.

KADADIAN 3:4

Nakuami ula’ lako tu baine: Manassa tae’ ammi ma’lalan mate.

1 DATU 14:12

Ke’de’mokomi ammi sule lako banuammi. Iake mentengkakomi tama kota, mate dukami tu pia iato.

1 DATU 18:2

Malemi tu Elia la umpa’petiroan kalena lako Ahab. Attu iato karorian pannang dio Samaria.

2 DATU 1:16

Ma’kadami tu Elia lako datu nakua: Inde sia tu kadanNa PUANG: Belanna mesuako mekutana lako Baal-Zebub, deata to Ekron – tae’raka tu Puang Matua dio lu to Israel, tu ma’din minii undaka’ pa’timbangan – iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 1:5

Sulemi lako datu tu to disua, nama’kada tu datu lako tau iato mai, nakua: Ma’patumbari ammi sulemora totemo?

2 DATU 1:6

Nakuami tu tau iato mai lako: Den misa’ tau sae umpessitammuikan sia ma’kada lako kaleki nakua: Sulemokomi lako datu tu ussuakomi, ammi ma’kada lako kumua: Inde sia tu kadanNa PUANG: Tae’raka Puang Matua dio lu to Israel ammu malera mekutana lako Baal-Zebub, deatanna to Ekron? Iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 20:1

Allo iato masanna’mi sakinna tu Hizkia, la mate mannamo; saemi nabi Yesaya, anakna Amos, mennolo lako datu, anna ma’kada nakua: Inde sia tu kadanNa PUANG: Mepasanmokomi lako mintu’ to lan tongkonan layukmi, belanna la matekomi sia tae’mo mila tuo.

2 DATU 8:10

Nakuami tu Elisa lako: Malemokomi pokadanni kumua: Manassa la matana siakomi. Apa Napaombo’mo PUANG lako kaleku kumua manassa la matemo.

SARAMBU PEADA’ 11:19

Iatu kamaloloan tongan umpatu katuoan, apa minda-minda tu untuntun bang kakadakean, umpadenan kalena kamatean.

SARAMBU PEADA’ 14:32

Iatu to tang mekaaluk disongkan lan kamandasanna, apa iatu to malambu’ moi nala ka’tu sunga’na den duka pentilindunganna.

YEHEZKIEL 18:4

Tonganna mintu’ mendeata, Aku puangna, la mendeatanna ambe’, la mendeatanna anak, Aku puangna; iatu mendeata kasalan, la mate.

KADIBILANGAN 26:65

Belanna mangka Napokada PUANG diona tau iato Nakua: Tonganna la mate lan padang pangallaran. Nadio mai tau iato tae’mo tau tinampe sangadinna Kaleb, anakna Yefune na Yosua, anakna Nun.

1 SAMUEL 28:19

Sia PUANG la ussorongkomi sola to Israel lako to Filistin sia masiang iatu kamu sola tu mai anakmi muane la indemo te inan kunii, sia la Nasorong PUANG tu surodadu to Israel lako to Filistin.