2 DATU 1:2 - Sura' Madatu

² Tobangmi tu Ahazia dao mai to’ tarali, dao mai bilik mengkadaoanna dio Samaria, anna masaki. Nasuami tu pesuanna sia ma’kada lako tau iato mai, nakua: Malekomi lako Baal-Zebub, deatanna to Ekron, la umpekutananni ba’tu la matana siara’ka dio mai te sakingku, tae’moraka.

2 DATU 1:2 ပူးပေါင်းရင်းမြစ်များ

1 DATU 11:33

Belanna natampeMo’, anna tukku menomba lako Astoret, deata baine to Sidon, sia lako Kamos, deatanna to Moab, sia lako Milkom, deatanna to Amon, sia tae’ anna lolang unturu’ lalanKu, sia tae’ napogau’ apa malolo dio pentiroKu, iamotu apa Kupondok sia Kupa’parentan, susi Daud, ambe’na.

1 DATU 14:3

Baako roti sangpulo sia deppa bua anggoro’ marangke sia tani’ enoan sangtonde, ammu male lako. Iamo la umpokadangko tu apa la dadi lako pia iate.

1 DATU 22:34

Apa den misa’ tau tu tae’ naangga’i ma’pana, anna ruai tu datu to Israel dio to’ pa’pasitammuan bayu kararran. Nakuami lako tu to untoe ulang darang karetana: Bintii sule tu ulang, ammu solanna’ sun lan mai to’ surodadu, belanna bangkemo’.

1 DATU 22:40

Mangkato malemi tama batu dilobang tu Ahab sola nene’ to dolona, na Ahazia, anakna muane ussondai dadi datu.

2 DATU 1:16

Ma’kadami tu Elia lako datu nakua: Inde sia tu kadanNa PUANG: Belanna mesuako mekutana lako Baal-Zebub, deata to Ekron – tae’raka tu Puang Matua dio lu to Israel, tu ma’din minii undaka’ pa’timbangan – iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 1:3

Apa ma’kada tu Malaeka’Na PUANG lako Elia, to Tisbe, nakua: Ke’de’moko, mumale umpessitammui tu pesuanna datu Samaria, sia ma’kada lako tau iato mai, kumua: Tae’raka Puang Matua dio lu to Israel, ammi malera mekutana lako Baal-Zebub, deatanna to Ekron?

2 DATU 1:6

Nakuami tu tau iato mai lako: Den misa’ tau sae umpessitammuikan sia ma’kada lako kaleki nakua: Sulemokomi lako datu tu ussuakomi, ammi ma’kada lako kumua: Inde sia tu kadanNa PUANG: Tae’raka Puang Matua dio lu to Israel ammu malera mekutana lako Baal-Zebub, deatanna to Ekron? Iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

AYUB 31:3

Tangiaraka kasanggangan tu taana to leko’ sia tangiaraka kamandasan tu taana to umpogau’ kakelokan?

PA’TENDENG BALLO 2:9

Iatu andi’ pa’kaboro’ku susito kijang ba’tu anak donga. Tiromi, bendanmo dio boko’ rinding tembo’ mentiro tama pentiroan sia ma’penunu tama to’ tarali.

YESAYA 19:3

Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.

YESAYA 2:6

Apa Mitampemo tu taumMi, tu bati’na Yakub, belanna ponnomo aluk to rampe matallo sia umpogau’ balik mata susito Filistin sia sikadamak to salian lembang.

YESAYA 37:12

Nakulleraka tu deatanna mintu’ bangsa, tu nasabu’i nene’ to doloku, ullendokanni tu tau iato mai: iamotu Gozan sia Haran sia Rezef sia to umpa’tondokki Eden lan Telasar?

YESAYA 37:19

Na iatu deatanna napembuangan tama api, belanna tangia deata, sangadinna panggaraga tolino bangsia, kayu sia batu nagaraga, iamoto anna sanggangi.

MATIUS 10:25

Madaoammo tu to digurui ke pada-padai gurunna, ten dukato tu kaunan anna puangna. Iake nasangai tau Beelzebul tu ampu banua, ontong pissanpa tu to lan banuanna.

MARKUS 3:22

Nakuami tu pandita Sura’ tu saemo dio mai Yerusalem: Narondong Beelzebul sia pa’tunduanna pangulunna deata masussuk anNa rambai tu mintu’ deata.

LUKAS 11:15

apa nakua tu tau pira: Iari Narambai deata masussuk, pa’tunduannari Beelzebul, pangulunna mintu’ deata.

PENGGAURANNA RASULU’ 20:9

Denmi misa’ to mangura disanga Eutikhus unno’ko’ dio to’ pentiroan, naleppeng. Belanna masai tongan tu Paulus ma’ulelean, natarru’mi mamma’na, natobang dao mai kalada’ ma’pentallunna, naangkaranni tau matemo.

YOSUA 15:11

Iatu anggenna tassu’ ma’palurekke sae lako buntu mennaa’na Ekron; namane tilekko lako Sikron, tarru’ lako buntunna Baala, sia tarru’ sae lako Yabneel; na iatu tampak katonanna sae lako tasik rampe matampu’.

TO PARENGNGE’ 11:24

Tae’raka mipomana’i tu apa nabenkomi Kamos, deatammi, la mipomana’? Susi dukato la kipomana’ tu mintu’ tondok tu Narambai PUANG, Kapenombangki, tu to umpa’tondokki dio mai tingayoki?

TO PARENGNGE’ 5:28

Dao mai to’ pentiroan mentiromi tu indo’na Sisera, sia metamba dao mai to’ tarali, nakua: Ma’apai’ anna marempara sae tu karetana? Ma’apai anna tang dirangipa tu gumalugunna karetana?

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.