2 DATU 1:16 - Sura' Madatu

¹⁶ Ma’kadami tu Elia lako datu nakua: Inde sia tu kadanNa PUANG: Belanna mesuako mekutana lako Baal-Zebub, deata to Ekron – tae’raka tu Puang Matua dio lu to Israel, tu ma’din minii undaka’ pa’timbangan – iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 1:16 ပူးပေါင်းရင်းမြစ်များ

1 DATU 22:28

Nakuami tu Mikha: Iake sule marampa’komi, manassa tae’ PUANG ma’kada tete dio pudukku. Sia nakuapa: Perangii, e kamu mintu’ bangsa.

2 DATU 1:6

Nakuami tu tau iato mai lako: Den misa’ tau sae umpessitammuikan sia ma’kada lako kaleki nakua: Sulemokomi lako datu tu ussuakomi, ammi ma’kada lako kumua: Inde sia tu kadanNa PUANG: Tae’raka Puang Matua dio lu to Israel ammu malera mekutana lako Baal-Zebub, deatanna to Ekron? Iamoto tae’ mula millik dao mai inan kamammarammu, tu munii mamma’ dao, sangadinna inang la matemoko.

2 DATU 20:1

Allo iato masanna’mi sakinna tu Hizkia, la mate mannamo; saemi nabi Yesaya, anakna Amos, mennolo lako datu, anna ma’kada nakua: Inde sia tu kadanNa PUANG: Mepasanmokomi lako mintu’ to lan tongkonan layukmi, belanna la matekomi sia tae’mo mila tuo.

2 DATU 5:21

Iamoto malemi tu Gehazi unnula’ Naaman. Iatonna tiromi Naaman, kumua den tau undi unnula’i, mekkondongmi dao mai karetana untammui sia ma’kada nakua: Malaga’-laga’ siaraka?

2 DATU 8:10

Nakuami tu Elisa lako: Malemokomi pokadanni kumua: Manassa la matana siakomi. Apa Napaombo’mo PUANG lako kaleku kumua manassa la matemo.

2 DATU 8:8

Ma’kadami tu datu lako Hazael, nakua: Alai tu apa la mupa’kamasean, ammu male umpessitammui taunNa Puang Matua ammu pekutananni lako PUANG nalopian taunNa Puang Matua, kumua: La matana siapara’ka dio mai te saki iate?

PA’PUDIAN 132:3

Inang tae’ angku tama tenda kunii torro, ba’tu rokko dali’ patindoangku,

SARAMBU PEADA’ 11:19

Iatu kamaloloan tongan umpatu katuoan, apa minda-minda tu untuntun bang kakadakean, umpadenan kalena kamatean.

YEHEZKIEL 14:4

Iamoto ma’kadako sia pokadai lako tau iato mai kumua: Inde sia tu kadanNa Puangta PUANG, Nakua: Minda-minda tu to Israel tu umpalan penaanna rapang-rapang dipodeata sia umpatulangdanni sipatu lindona tu katitodoan sae lako tobang rokko kakadakean, sia sae umpessitammui nabi Akumo, PUANG, tu la umpebalii, ke saei, sitinaya kabudanna rapang-rapang dipodeatanna;