2 DATU 1:15 - Sura' Madatu

¹⁵ Attu iato ma’kadami tu Malaeka’Na PUANG lako Elia, nakua: Mengkalaomoko sola, da mumataku’ lako. Ke’de’mi anna mengkalao sola na male lako datu.

2 DATU 1:15 ပူးပေါင်းရင်းမြစ်များ

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

1 DATU 18:15

Nakuami tu Elia: La lelukraka tuoNa PUANGna mintu’ ma’dandan maritik, tu kupengkaolai, manassa la umpa’pekitananna’ kaleku te allo iate lako kalena.

2 DATU 1:14

Tonganna saemo tu api dao mai langi’ tu ussabu’i da’dua kamandang ungkapalai surodadu limangpulo tu dolona, sola tu taunna nasilimangpuloi. Totemo, ke ma’dinni anna keangga’ tu katuoangku dio pentiromi.

2 DATU 1:3

Apa ma’kada tu Malaeka’Na PUANG lako Elia, to Tisbe, nakua: Ke’de’moko, mumale umpessitammui tu pesuanna datu Samaria, sia ma’kada lako tau iato mai, kumua: Tae’raka Puang Matua dio lu to Israel, ammi malera mekutana lako Baal-Zebub, deatanna to Ekron?

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

YESAYA 51:12

Aku, Akumo tu umpakatanako; ma’patumbaroko ammu kataku’ri tu tolino inang la mate, sia ma’rupa tau tu sangtinti riu dibela’i!

YEREMIA 1:17

La mupori tu aakmu, ammu ke’de’ umpokadai lako tau iato mai tu mintu’ apa la Kupasanangko, da mutiramban belanna tau iato mai, da angKu patirambanko dio tingayona.

YEREMIA 15:20

Iake susito la Kupadadiko rinding tambaga untingoi te bangsa iate tu tang dikulle ussanggangi moi anna la ullaoiko tu tau iato mai, apa tae’ nataloko, belanna Aku la urrondongko sia la untunduiko sia la urrampanangko, kadanNa PUANG.

YEHEZKIEL 2:6

Na iko, e ma’rupa tau, da mukataku’i tu tau iato mai sia da mukataku’i tu kadanna, moi natikuiko a’da’ sola duri sia moi ammu sisola te’tek buku; da mukataku’i tu kadanna sia da mukagiangi tu olona, belanna tau iato mai to pabali-bali.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

IBRANI 11:27

Bannang dio dukamora kapatonganan anna tampei tu tondok Mesir tang ungkataku’ kasengkeanna datu, belanna bantang ia butung ungkita To tang kakitanan.