2 DATU 1:14 - Sura' Madatu

¹⁴ Tonganna saemo tu api dao mai langi’ tu ussabu’i da’dua kamandang ungkapalai surodadu limangpulo tu dolona, sola tu taunna nasilimangpuloi. Totemo, ke ma’dinni anna keangga’ tu katuoangku dio pentiromi.

2 DATU 1:14 ပူးပေါင်းရင်းမြစ်များ

2 DATU 1:13

Nasua pole’omi datu tu kamandang ungkapalai surodadu limangpulo, tu ma’pentallunna, sola tu surodadunna limangpulo. Na iate kamandang ungkapalai surodadu limangpulo, tu ma’pentallunna, kendek langngan anna malinguntu’ dio olona Elia, mengkamoyami sia ma’kada lako Elia nakua: E taunNa Puang Matua, ke ma’dinni tu katuoangku sia katuonna te taummi limangpulo anna keangga’ dio pentiromi.

2 DATU 1:15

Attu iato ma’kadami tu Malaeka’Na PUANG lako Elia, nakua: Mengkalaomoko sola, da mumataku’ lako. Ke’de’mi anna mengkalao sola na male lako datu.

PA’PUDIAN 116:15

Keangga’ kapua dio oloNa PUANG tu kamateanna tu mai to mengkaolaNa.

PA’PUDIAN 49:8

Moi misa’ tau tae’ nabelai ulla’bak siulu’na, ba’tu umpenombanni lako Puang Matua tu pesulang batang kalena,

PA’PUDIAN 72:14

Ia la ullendokan sunga’na tau iato mai dio mai kadipakario-rioan sia kadipandasan, sia iatu rarana tau iato mai kapua angga’na dio pentirona.

SARAMBU PEADA’ 6:26

Belanna pa’katumangna baine bualang anna kapu’duran kande tau, sia bainena to senga’ unnula’ katuoan mala’bi’na tau.

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

1 SAMUEL 26:21

Nakuami Saul: Kasalammo’! Sulemoko, e anakku Daud, tae’mo kula umpogau’ kadake lako kalemu, belanna mupa’budai tongan tu katuoangku te allo iate. Manassa iatu penggaurangku baga tongan sia manduna’ pusa.

1 SAMUEL 26:24

Susi allo iate kupa’budai tu katuoammi, susi dukamoto Nakaritutuimira PUANG tu katuoangku, Narampananna’ dio mai mintu’ kasanggangan.