2 DATU 1:13 - Sura' Madatu

¹³ Nasua pole’omi datu tu kamandang ungkapalai surodadu limangpulo, tu ma’pentallunna, sola tu surodadunna limangpulo. Na iate kamandang ungkapalai surodadu limangpulo, tu ma’pentallunna, kendek langngan anna malinguntu’ dio olona Elia, mengkamoyami sia ma’kada lako Elia nakua: E taunNa Puang Matua, ke ma’dinni tu katuoangku sia katuonna te taummi limangpulo anna keangga’ dio pentiromi.

2 DATU 1:13 ပူးပေါင်းရင်းမြစ်များ

1 DATU 13:6

Mebalimi tu datu lako taunNa Puang Matua, nakua: Pengkamoyanna’ pa’kamaseanNa PUANG, Kapenombammi, sia passambayanganna’, anna tibokkok sule tu limangku. Napengkamoyammi taunNa Puang Matua pa’kamaseanNa PUANG tu datu anna tibokkok sule tu limanna datu susito dolona.

2 DATU 1:12

Mebalimi tu Elia sia ma’kada lako tau iato mai nakua: Iake taunNana’ Puang Matua da’ito nasae tu api dao mai langi’, anna tappu’ikomi sola tu taummi limangpulo. Ta’kala saemi tu apinNa Puang Matua dao mai langi’ anna tappu’i sola tu taunna limangpulo.

2 DATU 1:14

Tonganna saemo tu api dao mai langi’ tu ussabu’i da’dua kamandang ungkapalai surodadu limangpulo tu dolona, sola tu taunna nasilimangpuloi. Totemo, ke ma’dinni anna keangga’ tu katuoangku dio pentiromi.

PA’PUDIAN 102:17

Belanna Nabangunmo PUANG tu Sion, anna payan tu Puang situang kamala’biranNa.

PA’PUDIAN 72:14

Ia la ullendokan sunga’na tau iato mai dio mai kadipakario-rioan sia kadipandasan, sia iatu rarana tau iato mai kapua angga’na dio pentirona.

KATASSURAN 11:8

Attu iato mintu’ te to mase’ponmi la mengkalao anna rampo umpellambi’ina’ sia tukku dio tingayoku, nakua: Malemokomi sola tu mai to unturu’ bate lalanmi; attu iamoto angku male. Soro’mi tu Musa dio mai olona Firaun, nakabu’ liu kasengkeanna.

SARAMBU PEADA’ 27:22

Moi anna dilambuk tu to baga sola pare lan issong, inang tae’ nala sisarak tu kabaganna.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

YESAYA 1:5

Apapa gai’mi diada’? Belanna samemboko’-boko’mi bangmo. Mintu’ ulummi sipa’dikan, sia puru’mo tu penaammi.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YAKOBUS 4:7

Sorongkomi kalemi lako Puang Matua, ammi eai tu deata bulituk, nasorong boko’ dio mai kalemi.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

1 SAMUEL 26:21

Nakuami Saul: Kasalammo’! Sulemoko, e anakku Daud, tae’mo kula umpogau’ kadake lako kalemu, belanna mupa’budai tongan tu katuoangku te allo iate. Manassa iatu penggaurangku baga tongan sia manduna’ pusa.