1 TIMOTIUS 6:3 - Sura' Madatu

³ Iake den tau umpa’pangadaran pangadaran senga’, tang unturu’ kada tongan, iamotu kadanNa Puangta Yesu Kristus, sia pangadaran situru’ kamengkaolan lako Puang Matua,

1 TIMOTIUS 6:3 ပူးပေါင်းရင်းမြစ်များ

SARAMBU PEADA’ 15:4

Iatu lila kaboro’ iamo garonto’na katuoan marendeng, apa iatu kada leko’ iamo ussanggang penaa.

MATIUS 22:21

Nakuami tu tau mebali: Datu. Nakuami Yesu lako tau iato: Iamoto dadi pennoloanni lako datu kapua tu apanna datu kapua, sia lako Puang Matua tu apanNa Puang Matua.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

ROMA 16:17

Kupakilalakomi, e mintu’ siulu’ku, la mikanandai tu mintu’ to umpabu’tu kasisakkan sia patumang tu sisalanna pangadaran mipelada’i. Toyangangkomi kalemi dio mai tau iato.

1 TESALONIKA 4:8

Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

1 TIMOTIUS 1:10

to ma’pangngan buni sia to sigau’ sala padanna muane, sia to umboko tau, to buttokan sia to menggata tang tongan, sia apa-apa tu sisalanna pangadaran mepamanaman,

1 TIMOTIUS 1:3

Melo ke torropoko dio Efesus susitu kupalakunna lako kalemu, tongku male lako Makedonia, ammu pa’parentanni lako ba’tu pira-pira tau, da napa’pangadaran pangadaran senga’,

1 TIMOTIUS 1:6

Na den ba’tu pira-pira tu sepang dio mai te ianna te, anna ma’palulako ulelean tang kebattuan.

2 TIMOTIUS 1:13

Alai passangkaran dio mai mintu’ kada tongan, tu mangka murangi dio mai kaleku naturu’ kapatonganan sia pa’kaboro’ tete dio Kristus Yesu.

2 TIMOTIUS 4:3

Belanna undinna la sae tu attu nanii tau tang untananni tu pangadaran tongan; belanna kamakattikanna talinganna anna rampunni lako kalena tu mai guru situru’ lalan pa’poraianna,

TITUS 1:1

Iate sura’ lu dio mai Paulus, taunNa Puang Matua sia rasulu’Na Yesu Kristus belanna kapatongananna mintu’ to Natonno’ Puang Matua, sia belanna kapaissanan diona kamanapparan, tu situru’ kamengkaolan lako Puang Matua,

TITUS 1:9

to manda’ untoe kada manappa’, susitu dipa’pangadaranna, anna issanni umpakilala tau diona pangadaran mepamanaman sia untarru’i to pabali-bali.

TITUS 3:8

La dikatappa’i tu kada iato; na iatu diongna penaangku: la mupakatua tu mintu’nato, anna iatu to ungkatappa’imo Puang Matua, napengkullei umpogau’ mintu’ penggauran melo. Mintu’na tu iannato melo sia den bua’na lako tolino.