1 TIMOTIUS 5:1 - Sura' Madatu

¹ Da musaraba-rabai to matua-tua, sangadinna pakilala susii misa’ ambe’; sia iatu mai to mangura pasusii siulu’;

1 TIMOTIUS 5:1 ပူးပေါင်းရင်းမြစ်များ

SURA’ KATOMINAAN 19:32

La ke’de’ko dio tingayona to keuban sia kasiri’i tu to matua sia kataku’i tu Kapenombammu: Akumo tu PUANG.

TITUS 2:2

Mintu’ to matua-tua la mangingaran melo, masipa’, kinaa, sia mapato lan kapatonganan sia pa’kaboro’ sia kabattaran.

1 PETRUS 5:1

Inde sia tu pa’pakilalangku lako mintu’ penatuammi – belanna pada penatua dukana’ sia to umpemanassa diona mintu’ kamaparrisanNa Kristus, sia umpotaa kamala’biran la dipasombo undinna: –

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

TITUS 2:6

Susi dukato la muada’i tu mai muane mangura anna kinaa;

MATIUS 23:8

Apa iatu kamu da nasangaikomi tau Rabi: Belanna Misa’ri tu Gurummi, na iatu kamu sola nasang siulu’komi.

1 TIMOTIUS 5:17

Iatu mai penatua-penatua manglopian melo, sipato’ dikasiri’ manglokkon penduan, ontong pole’ tu to umposara’ kadanNa Puang Matua sia ma’pangada’.

ROMA 13:7

Baya’i lako mintu’ tau tu mipoindanna, iamotu sima lako to minii kaindanan sima, sia sassung lako to minii kaindanan sassung; kataku’i tu to sipatu dikataku’, pangke’i tu to sipatu dipangke’.

PENGGAURANNA RASULU’ 15:4

Iatonna rampo lako Yerusalem, natammuimi kombongan sola rasulu’ sia penatua, nauleleananni tu mintu’ penggauran Napogau’ Puang Matua urrondongi.

PENGGAURANNA RASULU’ 14:23

Iatonna mangkamo umpamanassanni tu mai penatuanna ke misa’oi kombongan, namassambayang sia ma’puasa, nasorongmi tu tau lako Puang napatongan.

KADA OMBO’ LAKO RASULU’ YOHANES 4:4

Sia tiku lao isungan kapayungan iato den duangpulo nna’pa’ isungan kapayungan sia mintu’ isungan kapayungan iato nanii unno’ko’ duangpulo nna’pa’ penatua ma’tamangkale mabusa sia ma’makota bulaan dao ulunna.

3 YOHANES 1:1

Sura’ iate lu dio mai kaleku, misa’ to matua, lako Gayus tu dipakaboro’ sia aku te umpakaboro’ tonganni.

2 YOHANES 1:1

Sura’ iate lu dio mai kaleku, misa’ to matua, lako simbolong manik ditonno’ sola mintu’ anakna tu tonganna kupakaboro’; sia tae’ naaku manna te, sangadinna mintu’ duka tu to untandaimi tu kamanapparan.

YAKOBUS 5:14

Denrokomika tu masaki? sipatu la untambai tu mai penatua kombongan, anna passambayanganni, sia anna bolloi minnak tete dio sanganNa Puang.

YAKOBUS 3:17

Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.

PENGGAURANNA RASULU’ 20:17

Ussuami tau dio mai Miletus lako Efesus untambai tu mai penatua kombongan.

PENGGAURANNA RASULU’ 15:6

Ma’kombongammi tu mai rasulu’ sia penatua la ussitimbangi tu iannato.

PA’TOLE 33:9

tu napokada diona ambe’na sia indo’na kumua, tae’ kutiroi; iatu siulu’na tae’ natandai sia iatu mai anakna tae’ naissanni. Belanna ungkaritutui kadamMi sia ungkanannangi basseMi.

1 TIMOTIUS 5:2

sia iatu mai to matua baine pasusii indo’, sia iatu mai manguranna pasusii siulu’ situru’ kamaseroan lan mintu’na.