1 TIMOTIUS 4:4 - Sura' Madatu

⁴ Belanna mintu’na tu Napadadinna Puang Matua melo sia moi misa’ tae’ nasipatu ditibe, ke ditimangi kurre sumanga’,

1 TIMOTIUS 4:4 ပူးပေါင်းရင်းမြစ်များ

KADADIAN 1:31

Natiro Puang Matua tu mintu’ apa Napadadi, kumua lendu’ tongan melona. Tonna mangkato, makaroenmi sia melambi’, iamo allo ma’pennannanna to.

PENGGAURANNA RASULU’ 10:15

Sae pole’omi tu gamara ma’penduan lako kalena kumua: Iatu tang Napa’pemalinna Puang Matua da mupa’pemalii.

PENGGAURANNA RASULU’ 15:29

iamotu untoyangan kalemi dio mai tampak pesung, sia dio mai rara sia dio mai olo’-olo’ masala sia dio mai gau’ sala. Iake ungkanandaikomi kalemi dio mai mintu’na te iannate, iamo melona to. Siriakomi kamarampasan.

PENGGAURANNA RASULU’ 21:25

Apa iatu diona to kapere’ tu ma’patongannamo, mangkamo kipakatuan sura’ umpamanassanni kumua anna toyangan kalena dio mai tampak pesung, sia dio mai rara, sia dio mai olo’-olo’ masala sia dio mai gau’ sala.

ROMA 14:14

Kuissan sia kukanassai, lan Puang Yesu, kumua moi misa’ apa tae’ tu mako’do’ kalena, sangadinna iari tu to ussangai mako’do’ tu umpomako’do’i.

ROMA 14:20

Da ammu sanggang panggaraganNa Puang Matua diona kande. Mintu’na apa masero, apa sala dio ia tu to titumbu penaanna ungkandei.

ROMA 14:6

Minda-minda tu ungkasiri’ allo, diona Puang nanii ungkasiri’i, sia minda-minda tu ungkandei, diona Puang nanii ungkandei, belanna ma’kurre sumanga’ lako Puang Matua; sia minda-minda tu tang ungkandei, diona Puang nanii tang ungkandei sia ma’kurre sumanga’ duka lako Puang Matua.

1 KORINTUS 10:23

Mintu’na tu apa tae’ napemali, apa tae’ naden nasang bua’na. Mintu’na tu apa tae’ napemali lako kaleku, apa tae’ namintu’ umpabatta’ kapatonganan.

1 KORINTUS 10:25

Apa-apa tu dibalukan dio pa’balukan duku’, kandei, da mimanggi’ umparessai, belanna pa’pasirundunan penaa,

1 KORINTUS 10:26

belanna Puang ampunna te lino sola mintu’ issinna.

1 KORINTUS 10:30

Iake ma’kurre sumanga’na’ ungkandei, ma’apai anna sura’na’ tau diona tu apa kupa’kurre sumanga’i?

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

1 TIMOTIUS 4:3

Tu umpa’gagai ma’rampanan kapa’, sia umpemalii ma’rupa-rupa kande tu Napadadi Puang Matua, kumua nakandei situang kurre sumanga’ to ma’patongan, unnissan kamanapparan.