1 TIMOTIUS 4:3 - Sura' Madatu

³ Tu umpa’gagai ma’rampanan kapa’, sia umpemalii ma’rupa-rupa kande tu Napadadi Puang Matua, kumua nakandei situang kurre sumanga’ to ma’patongan, unnissan kamanapparan.

1 TIMOTIUS 4:3 ပူးပေါင်းရင်းမြစ်များ

KADADIAN 9:3

Mintu’na olo’-olo’ menono’, tu kepenaanna, iamo la kandemi, mintu’na Kuben nasangkomi, susi dukato tu mintu’ tananan maluna.

TOMANGADA’ 5:18

Susi dukato minda-minda tu Nakamasei Puang Matua kasugiran sia ianan buda sia Naelorampa la ungkandei to sia la unnalai tu taana, sia la umposende ra’ta’na – iatu iannato misa’ pa’kamaseNa Puang Matua.

DANIEL 11:37

Sia tae’ duka nabilangi tu deatanna nene’ to dolona; tae’ nabilangi tu deata naporai baine, sia moi misa’ tae’ duka tu deata senga’, belanna la napalayuk tu kalena unnea mintu’ deata.

MATIUS 14:19

Nasuami tu to buda unno’ko dio to’ riu; Naalami tu roti lima na bale da’dua, Namentingara langngan langi’ sia massambayang, Namane untepu-tepui tu roti, Nabenni anak gurunNa, na anak gurunNa umben pole’i to buda.

MATIUS 15:11

Tae’ ia na iatu apa lu tama sadang tu urruttakki tau, sangadinna iari tu lu lanna mai sadang, iamo iato tu urruttakki tau.

MATIUS 15:36

Naalami tu roti pitu sia iatu bale, Nama’kurre sumanga’ Natepu-tepui, Nabenni anak gurunNa, na anak gurunNa pole’ o umbenni to buda.

LUKAS 24:30

Pakalan iatonna unno’ko’mo kumande sola tinde tau sola duai, Naalami tu roti, Napalakuanni kamatotoran, Natepu-tepui, Natadoanni.

YOHANES 6:23

Den pole’omi ba’tu pira lembang senga’ sae lu dio mai Tiberias, sikandappi’ tu naninna tau ungkande roti tonna mangka tu Puang ungkurre sumanga’i.

PENGGAURANNA RASULU’ 27:35

Iatonna mangka ma’kada susito, naalami tu roti nama’kurre sumanga’ langngan Puang Matua dio tingayona mintu’ tau natepu-tepui anna kumande.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

ROMA 14:3

Iatu to ungkandei da natellei tu to tang ungkandei na iatu to tang ungkandei da napasalai tu to ungkandei, belanna Natarimamo Puang Matua.

ROMA 14:6

Minda-minda tu ungkasiri’ allo, diona Puang nanii ungkasiri’i, sia minda-minda tu ungkandei, diona Puang nanii ungkandei, belanna ma’kurre sumanga’ lako Puang Matua; sia minda-minda tu tang ungkandei, diona Puang nanii tang ungkandei sia ma’kurre sumanga’ duka lako Puang Matua.

1 KORINTUS 6:13

Iatu kande kandena tambuk, sia iatu tambuk tambukna kande, apa iatu iannato la Nasabu’i dua Puang Matua. Apa iatu kale tangia la napoparea gau’ sala, sangadinna la Napoparea Puang, sia iatu Puang oto’ kameloanna kale.

1 KORINTUS 7:28

Apa iake inang la kebaineko, tae’ra mukasalan, sia iake kemuanei tu anak dara, tae’ra nakasalan. Apa iatu to susito la narampoi kamaparrisan tu batang kalena. Na iate aku te kukua kenna da narampoikomi kamaparrisan.

1 KORINTUS 8:8

Tonganna iatu kande tae’na ia mebaa lako Puang Matua. Iake tae’i takandei, tae’ra tapokurang, iake takandei tae’ra tapolosong.

KOLOSE 2:16

Iamoto da naden misa’ tau umpasalakomi tu diona kande ba’tu diiru’na ba’tu lan attu dipakaraya ba’tu bulan ba’ru ba’tu allo katorroan,

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

1 TIMOTIUS 2:4

tu umporai ke mintu’i tau unnappa’ kamakarimmanan sia ullambi’ kapaissanan diona kamanapparan.

1 TIMOTIUS 4:4

Belanna mintu’na tu Napadadinna Puang Matua melo sia moi misa’ tae’ nasipatu ditibe, ke ditimangi kurre sumanga’,

1 TIMOTIUS 5:14

Iamoto, iatu diongna penaangku, la kemuane nasang tu mai baine balu mangura, sia la ma’dadian tau sia ungkaritutui tu lanna banuanna, sia da anna benni lalan pa’posangan tu uali la nanii umpalele bekoki’.

IBRANI 13:4

La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.

IBRANI 13:9

Da napapusakomi ma’rupa-rupa pangadaran makalaen-laen, belanna iatu tonganna, melo ke napabatta’i pa’kamaseanNa Puang Matua tu penaanta, tangia ma’rupa-rupa kande, tu tae’ gai’na lako to umpogau’mi tu iannato.

1 SAMUEL 9:13

Iammi tama kota, ma’din siapa miappa’, namane kendek langngan inan madao la kumande. Belanna tae’pa nala kumande tu tau iato mai, ke tae’pi nasae, apa ia la umpassakkei tu kande pemala’ iato; mangkato namane kumande tu mintu’ to ditambai. Melo kendekmokomi totemo, belanna attu ia bangsiamote ammi la sitammu.