1 TIMOTIUS 3:3 - Sura' Madatu

³ tang pa’anggoro’, ba’tu passiboboran, sangadinna to sallo’ penaanna, tangia to passite’geran sia tangia to ungkaduangi doi’;

1 TIMOTIUS 3:3 ပူးပေါင်းရင်းမြစ်များ

SARAMBU PEADA’ 1:19

Susimo lalannato minda-minda tu ungkabudai saro bu’tu kadake, belanna iamo la ungka’tu sunga’na to unnampui.

SARAMBU PEADA’ 15:27

Minda-minda umbarakki saro bu’tu kadake, iamo ussanggangi banuanna; apa minda-minda ungkagi’gi’ pamengan iato, la tuo marendeng.

TOMANGADA’ 7:8

Melo ia ma’katampakanna tu misa’ apa na iatu pamulanna; melo iatu to kalando pesuka’, na iatu to madao penaa.

YESAYA 28:1

Upu’ allona tu makota matampona to malangona Efraim sia bunga-bunga malayu, napobelo maramba’ dao ulunna lombok malompo masapi, tu natongkonni to natumang uai anggoro’.

YESAYA 28:7

Ia duka te tau iate mai re’ba len napobua’ uai anggoro’ sia tumbang len naginta’ tuak palango; moi dukato minaa sia nabi re’ba len napobua’ tuak palango, pusa natumang uai anggoro’, tumbang len napobua’ tuak palango, tire’ba len lan patiro mendeata, titu’mu’ len untingayo pa’bisaran.

YEREMIA 6:13

Belanna tau iato mai randuk dio mai to bitti’ sae lako to kapua undaka’ bang saro bu’tu kadake; mintu’nato ma’pakena nasang; la nabi la to minaa.

YEREMIA 8:10

Iamoto Kueloranni tu bainena tau iato mai naala to senga’ sia iatu pa’lakna diben to untaloi. Belanna randuk dio mai to bitti’ sae lako to kapua undaka’ bang saro bu’tu kadake, mintu’na to ma’pakena nasang la nabi la to minaa.

YEHEZKIEL 44:21

Tae’ nama’din tu mintu’ to minaa la unniru’ uai anggoro’, ke la tamai tarampak lanna lu.

SURA’ KATOMINAAN 10:9

Da muiru’ uai anggoro’ ba’tu pangiru’ mepamalango, moi iko moi anakmu, ke tamakomi Tenda Kasitammuan, kumua da ammi mate – iamote tu apa dipondok matontongan la misiosso’i;

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

MIKHA 3:5

Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

MALEAKHI 1:10

Melo ke den misa’ tau dio kalemi, tu untutu’ ba’ba, kumua da mipadukku punala bang api dao inan pemalarangKu! Tae’ nakalo’komi penaangKu, kadanNa PUANGna mintu’ ma’dandan maritik, sia tae’ Kuporai tu pemala’ natangke limammi.

MATIUS 21:13

sia Nakua ungkuanni tu tau: Mangkamo disura’ kumua: Iatu banuangKu la disanga banua passambayangan; apa mipadadimo kamu lo’ko’ pa’gora’.

PENGGAURANNA RASULU’ 20:33

Tae’ angku kaduangi salakana tau ba’tu bulaanna ba’tu pakeanna.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

EFESUS 5:18

Da mima’pelango anggoro’ tu umpabu’tu tang penggauran, sangadinna la Naponnoikomi Penaa,

1 TESALONIKA 5:14

E sangsiulurangku, kipalaku ammi pakilalai tu mai to tang unturu’ parenta, pabatta’i tu mai to ranggang penaanna, tundui tu mai to malamma’, pama’tananni penaa tu mintu’ tau.

1 TIMOTIUS 3:8

Susi dukato tu mai pa’kamaya, la massipa’, da anna popa’pangka lilana, da anna pa’anggoro’ da anna mesaro bu’tu kadake;

2 TIMOTIUS 3:2

Belanna buda tau la tuo misa sia ungkailui doi’, untendeng kalena, madao penaa, umpalele beko tau, umbali-bali indo’-ambe’na, tang ma’kurre sumanga’ sia tang mekaaluk;

TITUS 1:11

Tu sipatu dikamummu’ sadangna, tu umbalittua’ tau lan lu tananan dapo’na, diona umpa’pangadaran tang sipato’na, belanna mesaro bu’tu kadake.

TITUS 1:7

Belanna iatu to ma’panundu’ la susito makatirinnanNa Puang Matua tae’ len sayuanna, da nato umpakapua penaanna, da nato madoi’ sengke, da nato pa’anggoro’, ba’tu to passiboboran, ba’tu to mesaro bu’tu kadake;

TITUS 2:3

Susi dukato tu mintu’ to matua baine, sipatu la ma’gau susito sikambi’ maserona, da nama’palele beko, da napa’anggoro’, sangadinna la umpa’guruan kameloan,

TITUS 3:2

Da napalele beko tau, da anna passigagan, sangadinna la masokan, sia umpa’pekitanan tongan sorong inaanna lako mintu’ tau.

IBRANI 13:5

Toyangangkomi kalemi dio mai umpa’budai doi’, sia posilasanni tu apa denmo dio kalemi; belanna Puang Kalenamo tu mangka ma’kada, kumua: Inang tae’ angKu la ussa’biangangko, sia inang tae’ angKu la untampeko.

YAKOBUS 4:1

Bu’tu umbara nii sae tu kasigagan, sia bu’tu umbara nii sae tu kasiboboran lan kombongammi? Tang bu’tu lu dioraka mai mintu’ kamoraiammi tu male mangea unnoong mintu’ lesoan kalemi?

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

YUDAS 1:11

Upu’ allona tau iato mai, belanna unturu’mo lalanna Kain, sia mentu’mu’mo tama peroso sarona Bileam, anna sanggang diona pabali-balinna susi Korah.

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

1 SAMUEL 8:3

Apa iatu anakna tae’ naturu’ bate lalanna ambe’na, sangadinna ungkabudai kamanengkengan, ungkande pappe’ sia ulleko’ katonganan.