1 TIMOTIUS 3:2 - Sura' Madatu

² Iamoto sipatu la tae’ sayuanna tu to ma’panundu’ sia la misa’ dukari bainena, to umpama’tan penaanna, kinaa, massipa’, ungkarimmanni to lendu’, naissan unnadai’ tau,

1 TIMOTIUS 3:2 ပူးပေါင်းရင်းမြစ်များ

YESAYA 56:10

Iatu mintu’ tu to ma’kampana tau iato mai buta, moi misa’ tae’ natandai, mintu’i susi asu mamang, tu tang naissan ma’buroro; tikkaru’du’ anna umbambang rokko, sia naporai bang mamma’.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

LUKAS 2:36

Den misa’ tau, disanga Hana, nabi baine, anakna Fanuel, bati’na Asyer, masaimo tau; anak darapa nakemuane napitung taunri sisola muanena;

ROMA 12:13

Rokkoi tu kakuranganna to masallo’ sia matinuru’komi untoratu tau.

FILIPI 2:15

anna tae’ salami sia anna masallo’ penaammi, ammi dadi anak tang sayuanNa Puang Matua dio lu tu mai to kelok sia leko’, ammi pandala-dala lako kalena susito apa parrang lan te lino,

1 TIMOTIUS 3:12

Iatu pa’kamaya la misa’ri bainena, sia la umparenta mana’pa anakna sia to lan banuanna.

1 TIMOTIUS 3:8

Susi dukato tu mai pa’kamaya, la massipa’, da anna popa’pangka lilana, da anna pa’anggoro’ da anna mesaro bu’tu kadake;

1 TIMOTIUS 4:3

Tu umpa’gagai ma’rampanan kapa’, sia umpemalii ma’rupa-rupa kande tu Napadadi Puang Matua, kumua nakandei situang kurre sumanga’ to ma’patongan, unnissan kamanapparan.

1 TIMOTIUS 5:10

sia iatu kaleleanna diona penggauran melo, belanna ungkaritutui anakna, sia ungkarimmanni to lendu’, sia umbasei lentekna to massallo’, sia untundui to narua sussa, sia umpengkullei mintu’ penggauran melo.

1 TIMOTIUS 5:22

Da ammu sa’ka’ bang urremme’i lima moi misa’ tau, sia da mutamai kasalanna to senga’. Karitutui maindanko kalemu.

1 TIMOTIUS 5:9

Da nadipatama sura’ tu baine balu ke tae’pi naganna’ annan pulona taunna dadinna, sia ke tae’i namisa’ bangri tu muanena,

2 TIMOTIUS 2:24

Tae’ napato’ tu taunNa Puang massigaga, sangadinna mabalele lako mintu’ tau, manarang mangada’i sia umpama’tanan penaa kakadakean;

TITUS 2:2

Mintu’ to matua-tua la mangingaran melo, masipa’, kinaa, sia mapato lan kapatonganan sia pa’kaboro’ sia kabattaran.

IBRANI 13:2

Da ammi masorro umpatoratu to sae, belanna dionamora penggauran susito, anna denmo tau umpatoratumo malaeka’, apa tae’ naissanni.

IBRANI 3:14

Belanna umpoba’gimiki’ Kristus, podo ke manda’ki’ untoei tu randukna kamatapparan sae lako katam- pakanna.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

1 PETRUS 4:9

Sipatukomi sikendek-kendekan tang naturu’ ma’nuku-nuku.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.