1 TIMOTIUS 3:1 - Sura' Madatu

¹ Indemo tu kada sielle’ dikatappa’i: iake den tau umpapatui penaa tu toean to ma’panundu’, iatu patu penaanna to, misa’ toean melo tongan.

1 TIMOTIUS 3:1 ပူးပေါင်းရင်းမြစ်များ

TITUS 1:7

Belanna iatu to ma’panundu’ la susito makatirinnanNa Puang Matua tae’ len sayuanna, da nato umpakapua penaanna, da nato madoi’ sengke, da nato pa’anggoro’, ba’tu to passiboboran, ba’tu to mesaro bu’tu kadake;

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

1 TIMOTIUS 1:15

Manappa’ te kada iate sia sipatu tongan ditarima, tu nakua: saemo tu Kristus Yesu tama te lino ungkarimmanni to kasalan; na iatu mintu’na tau iato, akumo tu losongna kasalan.

1 PETRUS 2:25

Belanna dolona pusakomi susi domba, apa totemo mengkara’pa lu lakomokomi To mangkambi’ sia To ungkatirinnai deatammi.

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

2 TIMOTIUS 2:11

Inde sia tu kada la dikatappa’i: Iake mangkamiki’ mate Sola, la tuo dukaki’ Sola;

1 TIMOTIUS 4:9

Iamote tu kada sielle’ dikatappa’i sia sipatu tongan ditarima.

FILIPI 1:1

Iate sura’ lu dio mai Paulus na Timotius, taunNa Kristus Yesu diparampo lako mintu’ to masallo’ lan Kristus Yesu dio Filipi sia mintu’ to ma’panundu’ sia pa’kamaya.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

TITUS 3:8

La dikatappa’i tu kada iato; na iatu diongna penaangku: la mupakatua tu mintu’nato, anna iatu to ungkatappa’imo Puang Matua, napengkullei umpogau’ mintu’ penggauran melo. Mintu’na tu iannato melo sia den bua’na lako tolino.

EFESUS 4:12

la umpasakka’i tu mai to masallo’, la umpogau’ pentoean ma’kamayai, la umpatulangdan batang kaleNa Kristus,

PENGGAURANNA RASULU’ 1:20

Belanna den disura’ lan Sura’ Pa’pudian nakua: Nake makarorrongi tu inan, sia nake tang nanii tau lan, sia nakua: Nake natoei to senga’ tu pangka’na ma’panundu’.

1 PETRUS 4:15

Iamoto, da miden misa’ umperasai kamaparrisan butung to papatean ba’tu to boko ba’tu misa’ to kadake, ba’tu to umpentamai sara’na to senga’;

1 TESALONIKA 5:14

E sangsiulurangku, kipalaku ammi pakilalai tu mai to tang unturu’ parenta, pabatta’i tu mai to ranggang penaanna, tundui tu mai to malamma’, pama’tananni penaa tu mintu’ tau.

ROMA 11:13

Apa iatu kamu to kapere’, kukua ungkuangkomi: Siolanan tu kadadiangku rasulu’ to kapere’, angku pakala’bi’i tu toeku,

SARAMBU PEADA’ 11:30

Iatu buanna to malambu’ iamo sangto’ kayu katuoan sia minda-minda tu kinaa, ungkadamak tau.