1 TIMOTIUS 2:7 - Sura' Madatu

⁷ Iamotu iannato dinii umpamanassana’ dadi to ma’palolang sia rasulu’ – tonganna te kupokada, tae’ angku mo’rang –, napoguru to kapere’ diona kapatonganan sia kamanapparan.

1 TIMOTIUS 2:7 ပူးပေါင်းရင်းမြစ်များ

PA’PUDIAN 111:7

Iatu lalan limanNa iamo kamanapparan sia katonganan, sia tappa’ mintu’ parentaNa.

TOMANGADA’ 1:12

Akumo tu Tomangada’ datunna to Israel dio Yerusalem;

TOMANGADA’ 7:27

Tonganna, indemo tu kuappa’, kadanna Tomangada’ – kupasitimbang tu misa’ na iatu misa’na, la ungkabu’tui tu misa’ pa’rampoanna,

YOHANES 7:35

Iamoto anna sipa’kada-kada kalena tu pada to Yahudi nakua: Umbara la Naola te Tau iate anta tang la ullambi’i? La laoraka lako to sisarak-sarak bangmo dio lu sola to Yunani sia unnada’i to Yunani?

PENGGAURANNA RASULU’ 14:27

Iatonna sae lako, narampunmi tu to Sarani, nauleleananni tu mintu’ apa Napogau’ Puang Matua urrondongi sia kaNabungkaranna Puang Matua tu ba’ba kapatonganan lako to kapere’.

PENGGAURANNA RASULU’ 22:21

Nakuami ungkuanna’: Male bangmoko, belanna Aku ussuako male mambela indete lako to kapere’.

PENGGAURANNA RASULU’ 26:20

sangadinna kupa’peissanan dolo, nala lako to dio Damsyik, nala dio Yerusalem sia dio mintu’ tana Yehuda, susi duka lako to kapere’, kumua anna mengkatoba’ sia sule lako Puang Matua anna umpogau’ penggauran sitinaya katobaran.

PENGGAURANNA RASULU’ 9:15

Apa Nakua Puang lako: Laomoko, belanna iamotu butung misa’ parea ditonnoranNa’ la umpatale’ sangangKu lako mintu’ to kapere’ sia datu sia to Israel.

ROMA 1:9

Na Puang Matuamora tu Kupenombai lan penaangku umpa’peissanan Kareba-kaparannuanNa AnakNa, ungkatottongina’, tumba makaritutungku umpalan ara’komi,

ROMA 10:14

Naumbamo la nakua metamba lako Kalena tu to tang umpatonganni? sia umba nakua umpatonganni tu tang naranginnapa? sia umba la nakua urrangii, ke tae’i tau umpa’peissananni?

ROMA 11:13

Apa iatu kamu to kapere’, kukua ungkuangkomi: Siolanan tu kadadiangku rasulu’ to kapere’, angku pakala’bi’i tu toeku,

ROMA 15:16

kumua angku dadi to pasumbunganna Kristus Yesu lako to kapere’ la untoe pentoean maindan diona Kareba-kaparannuanNa Puang Matua, anna iatu to kapere’ mendadi pemala’ Naporai Puang Matua, belanna Napemapindanni Penaa Masallo’.

ROMA 9:1

Tonganna te kupokada tete dio Kristus, tae’ angku kamorang-morang sia situru’ Sukaran inaangku ungkatottongi diona Penaa Masallo’,

1 KORINTUS 9:1

Tang tongannaraka tae’ apa kukadonton? Tang rasulu’ra’ka? Tang mangkamora’ka untiro Yesu, Puangta? Tang kamuraka te tu pentoeangku lan Puang?

2 KORINTUS 11:31

KapenombanNa sia Ambe’Na Puangta Yesu, tu sipato’ dipudi sae lakona, unnissanni kumua tae’ angku buttok.

GALATIA 1:16

la umpaombo’i tu AnakNa lan kaleku, kumua angku pa’peissananNi dio lu to kapere’, ta’pa tae’ bangsiami angku timbang mandalanni tu a’gan tolino;

GALATIA 1:20

Iate apa kusurasangkomi te, tae’ angku mo’rang, tang la Puang Matuaraka untiroi.

GALATIA 2:16

apa taissan kumua tae’ misa’ tau dibilang malolo belanna ungkaritutui tuntunan Sukaran aluk, sangadinna kapatongananri lako Kristus Yesu, tenmoto anta patonganni tu Kristus Yesu, kumua anta dibilang malolo diona kapatonganan lako Kristus, tangia kumua diona ungkaritutui tuntunan Sukaran aluk, belanna iatu ungkaritutui tuntunan Sukaran aluk, moi misa’ tau tae’ dibilang malolo.

GALATIA 2:9

iatonna kanassami tinde tau tu pa’kamasean disorong lako kaleku, sitoe limamo’ sola Barnabas tu mai sia Yakobus na Kefas na Yohanes, tu dibilang paloloan kombongan, tanda kasisanginaan, kumua angki lu lako to kapere’, anna lu lako ia to disunna’.

GALATIA 3:9

Iamoto anna mintu’ to umposande’ kapatonganan ungkabu’tui kamauparan sola Abraham to ma’patongan.

2 TIMOTIUS 1:11

Iamora tu Kareba-kaparannuan dinii unnangka’na’ mendadi to pebaa kareba sia rasulu’ sia guru.

2 PETRUS 2:5

sia iake tae’i Nadampang lino dolo-dolo, sangadinna Nuh manna, to umpa’peissanan kamaloloan, karuai sibaa tu Narinding pala’, tonna pasabu’i uai saba’ tu lino to tang mekaaluk;