1 TIMOTIUS 2:5 - Sura' Madatu

⁵ Belanna iatu Puang Matua Misa’ri, na iatu ToparitangngaNa Puang Matua na tolino Misa’ri, tolino duka sia, iamotu Kristus Yesu,

1 TIMOTIUS 2:5 ပူးပေါင်းရင်းမြစ်များ

AYUB 9:33

Lala sia manii naden to unnola malolo dio alla’ta, tu ma’din umparemme’iki’ lima sola dua,

YESAYA 44:6

Nakua kadanNa PUANG, Datunna sia Pela’bakna Israel, PUANGna mintu’ ma’dandan maritik: Akumo pamulanna sia ma’katampakanna, nasaliananna Aku, tae’ tu Kapenomban senga’.

MATIUS 1:1

Inde sia tu ossoran nene’Na Yesu Kristus, anakna Daud, anakna Abraham.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

LUKAS 14:22

Ma’kadami tu kaunan nakua: O Puang, dadimo susitu mipokada, apa denpa tu inan lo’bang.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 17:3

Inde sia tu katuoan tontong sae lakona, ke natandaiKomi, o Puang tu misari sia tongan, sia iatu Yesu Kristus tu mangka Misua.

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

ROMA 1:3

tu diona AnakNa, tu kea’gan kale tolino, dadi lu dio mai tarukna Daud,

ROMA 10:12

Belanna tae’ silaenanna to Yahudi anna to Yunani. Apa misa’ri Puang umpuangi mintu’na sia sumpu mamase lako mintu’ to metamba lako Kalena.

1 KORINTUS 8:4

Iatu diona ungkande kande dipemalaran lako deata, taissan kumua iatu deata moi misa’ tae’ lan te lino, sia tae’ kapenomban senga’ sangadinna Misa’ri.

1 KORINTUS 8:6

apa kita, Misa’ri Kapenomban, iamotu Ambe’, namintu’na angge maritik Ia nasang oto’na, na kita te ma’pangudu lu lakoki’, sia misa’ dukari tu Puang, iamotu Yesu Kristus, napodenni mintu’ apa sia tapobannangI den.

GALATIA 3:20

Iatu to pasumbungan tae’ nasangbalinna manna nasumbungan, apa iatu Puang Matua inang Misa’ri.

EFESUS 4:6

misa’ Kapenomban tu napoAmbe’ sola nasang, Ia untongloi nasangi sia Ia napotete sola nasangi sia Nanii nasang lan.

PA’TOLE 6:4

Perangiimi, e to Israel: Iatu PUANG Iamo Kapenombanta; iatu PUANG misari!

1 TIMOTIUS 6:13

Kupasan lako kalemu dio oloNa Puang Matua, tu umpatuo angge maritik sia dio oloNa Kristus Yesu tu ungkatottongi tu pangakuan tongan dio olona Pontius Pilatus.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

IBRANI 8:6

Apa totemo te Naappa’mo Yesu tu misa’ pentoean mandu mala’bi’ sitinaya kamendadianNa Toparitangngana basse mandu melo, tu diarra’i lan mintu’ pangallu’ mandu melo.

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.

1 YOHANES 2:1

E anakku, ia sia kusurasangkomi te, dikua da mipogau’ kasalan. Na iake denni misa’ tau umpogau’ kasalan, den kita tu Pa’bisaranta lako Ambe’, iamo Yesu Kristus, To malambu’,

KADA OMBO’ LAKO RASULU’ YOHANES 1:13

Sia lan tangnga-tangngana tongkonan palita iato den misa’ susi Anak rampan dilino, ma’bayu lamba’, na dadanNa ma’pali’ bulaan.