1 TIMOTIUS 2:1 - Sura' Madatu

¹ Iannamoto bunga’na pa’pakilalangku, la mipangandoan sia mipassambayangan sia mipalakuan sia la mipa’kurre sumangasan tu mintu’ tau;

1 TIMOTIUS 2:1 ပူးပေါင်းရင်းမြစ်များ

EZRA 6:10

kumua anna pemalaranni tau iato mai tu pemala’ busarungngu’ lako Puang Matua dao suruga sia anna palakuanni kasalamaran tu datu sola mintu’ anakna muane.

PA’PUDIAN 72:19

Sia mintu’ kadipudian lu langngan nasang sanga mala’bi’Na tontong sae lakona, mintu’ nalili’ lino nasamboi kamala’biranNa. Amin, ya, amin.

YEREMIA 29:7

Dakaranni kamanamanan tu kota Kunii umpali’komi, sia passambayanganni lako PUANG, belanna lan kamanamananna la minii duka manaman.

PENGGAURANNA RASULU’ 17:30

Mintu’na tu attu kabagan Napopa’elo’na Puang Matua, apa totemo te mintu’na tau nala umba-umba nii Nasua mengkatoba’.

ROMA 1:8

Tipamulanna ma’kurre sumanga’na’ langngan Kapenombangku diona kamu tete dio Yesu Kristus, belanna kaleleammo tu kapatonganammi lan mintu’ lino.

ROMA 6:17

Apa kurre sumanga’na lako Puang Matua: tu dolona mengkaunankomi lako kasalan, apa totemo masorok tonganmo penaammi umpengkaolai atoran pangadaran diadarangkomi.

1 KORINTUS 15:3

Belanna bunga’-bunga’na kusorong lako kalemi tu apa mangka duka kutarima, tu kumua iatu Kristus mangka mate belanna kasalanta, susitu dipokadanna lan Sura’ Madatu,

2 KORINTUS 8:6

naurunganni kipalaku lako Titus, susitu naparandukmo dolona, susi dukato la napalanda’ lako kalemi tu toean kamamasean.

EFESUS 3:13

Iamoto kupalakui lako kalemi, da naporanggangi penaammi tu kamaparrisangku diona kamu, belanna iamo mipomala’bi’.

EFESUS 5:20

sia tontongkomi ma’kurre sumanga’ diona mintu’ passalan langngan Ambe’ta Puang Matua, ussa’bu’ sanganNa Puangta Yesu Kristus,

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

FILIPI 1:3

Tilanta’okomi lan penaangku ma’kurre sumanga’ona’ langngan Kapenom- bangku.

FILIPI 4:6

Da mikaselanganni tu diona apa-apa, sangadinna lan mintu’-mintu’na la miparampo nasang tu lanna penaammi langngan Puang Matua lan kapassambayangan sia pangando situru’ pa’kurre sumanga’.

1 TESALONIKA 3:12

Sia anNa Puangmora umpasake- rangngan-rangnganna kasiala-maseammi sia umpalempan kasiala-masean lako mintu’ tau susi kami unnala mase- komi.

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

1 TIMOTIUS 2:4

tu umporai ke mintu’i tau unnappa’ kamakarimmanan sia ullambi’ kapaissanan diona kamanapparan.

1 TIMOTIUS 5:5

Iatu baine balu tongan, tu misa-misamora, iamo marannu lako Puang Matua, sia tontong batta’ lan palakunna sia passambayangan allo bongi.

2 TIMOTIUS 2:24

Tae’ napato’ tu taunNa Puang massigaga, sangadinna mabalele lako mintu’ tau, manarang mangada’i sia umpama’tanan penaa kakadakean;

TITUS 2:11

Belanna iatu pa’kamaseanNa Puang Matua, tu umpasaena kamakarimmanan lako mintu’ tolino, bu’tumo,

TITUS 3:2

Da napalele beko tau, da anna passigagan, sangadinna la masokan, sia umpa’pekitanan tongan sorong inaanna lako mintu’ tau.

IBRANI 6:11

Inde sia tu diongna penaangki, to kumua pantan umpa’pekitanangkomi kamasarasan susi dukato, miurunganni unnappa’ kapa’rannuanan sundun sae lako katampakanna,

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.