1 TIMOTIUS 1:2 - Sura' Madatu

² diparampo lako Timotius, anak tongan-tonganku diona kapatonganan. Narampoimoroko kamaturu-turuan sia kamamasean dio mai Puang Matua Ambe’, sia dio mai Kristus Yesu, Puangta.

1 TIMOTIUS 1:2 ပူးပေါင်းရင်းမြစ်များ

ROMA 1:7

Diparampo lako mintu’ tau dio Roma tu Nakamaseinna Puang Matua sia dipamarimbanganmo mendadi to masallo’. Narampoimorokomi kamaturu-turuan sia kamarampasan dio mai Puang Matua Ambe’ta sia Puangta Yesu Kristus.

GALATIA 1:3

narampoimorokomi kamaturu-turuan sia kamarampasan dio mai Puang Matua, Ambe’ta, sola Puang Yesu Kristus,

1 TESALONIKA 3:2

Angki sua Timotius siulu’ta, iamo misa’ to ma’kamayanNa Puang Matua lan kadipalolanganna Kareba-kaparannuanNa Kristus, la umpakananna’ sia umpakilalakomi diona kapatonganammi,

1 TIMOTIUS 1:12

Ma’kurre sumanga’na’ lako Kalena tu umpamatoto’na’, Iamotu Kristus Yesu Puangta, belanna Nakatappa’imo’, anNa patamana’ lan te pentoean iate,

1 TIMOTIUS 1:18

Inde sia tu pepasan kupabarakkanangko, e, anakku Timotius, situru’ tu mintu’ pa’nubua’ dipokada dolo diona a’gammu, kumua anna pa’nubua’ iato mupomatoto’ lan kapararian melo.

1 TIMOTIUS 6:20

E Timotius, karitutui tu pangingko’ dipa’pekambiran lako kalemu, sia boko’i tu ulelean punala bang sia tae’ gai’na sia kasita’genan ussita’genni kapaissanan tang pato’ disanga kapaissanan;

2 TIMOTIUS 1:2

diparampo lako Timotius, anak pa’kaboro’ku. Narampoimoroko kamaturu-turuan sia kamamasean sia kamarampasan dio mai Puang Matua, Ambe’ sia Kristus Yesu, Puangta.

2 TIMOTIUS 2:1

Iamoto, e anakku, mananna’ko lan pa’kamasean tete dio Kristus Yesu.

TITUS 1:4

Diparampo lako Titus tu anak tongan-tonganku tete dio kasiduluan kapatonganan. Narampoimoroko pa’kamasean sia kamarampasan dio mai Puang Matua, Ambe’, sia dio mai Kristus Yesu, To pakarimmananta.

TITUS 2:2

Mintu’ to matua-tua la mangingaran melo, masipa’, kinaa, sia mapato lan kapatonganan sia pa’kaboro’ sia kabattaran.

TITUS 3:15

Mintu’na tu to kusolan umparampo salama’na mati’. Salama’ lako tu mintu’ to umpakaboro’ki’ lan kapatonganan. Narodongmorokomi pa’kamaseanNa Puang Matua sola nasang.

1 PETRUS 1:2

tu ditonno’ situru’ paissan temponNa Puang Matua, Ambe’, Napamasallo’ Penaa lu lako kaumpengkaolaian Yesu Kristus sia pa’pi’pikan raraNa: denno upa’ anna sakerangngan-rangnganna tu pa’kamasean sia kamarampasan lako kalemi.

2 YOHANES 1:3

Kamaturu-turuan sia kamamasean sia kamarampasan la urrondongki’ lu dio mai Puang Matua, Ambe’, sia lu dio mai Yesu Kristus, tu AnakNa Ambe’, lan kamanapparan sia pa’kaboro’.

3 YOHANES 1:4

Tae’ dio kaleku tu kaparannuan mandu kapua na iate, urrangii tu mai anakku lolang lan kamanapparan.

YUDAS 1:2

Dennoupa’ anna sakerangngan-rangnganna tu kamamasean sia kamarampasan na pa’kaboro’ lako kalemi.