1 SAMUEL 9:9 - Sura' Madatu

⁹ Iatonna dolo-dolona dadi ada’mo dio lu to Israel, ke laoi tau ungkutanai Puang Matua, nakuami: Talao lako to patanda-tandan, belanna iatu to disanga nabi totemo, disanga to patanda-tandan dolo-dolona.

1 SAMUEL 9:9 ပူးပေါင်းရင်းမြစ်များ

KADADIAN 25:22

Iatu pia’-pia’ sita’du-ta’du lan pa’tambukanna, iamoto anna ma’kada nakua: Iake susite, ma’apari narampoira’ te iannate? Malemi umpekutananni lako PUANG.

2 SAMUEL 24:11

Iatonna melambi’ millikmi tu Daud: attu iato rampomi tu kadanNa PUANG lako nabi Gad, to patanda-tandanna Daud, nakua:

2 DATU 17:13

Napakilalamo PUANG tu to Israel sia to Yehuda nalopian mintu’ nabi sia mintu’ to patanda-tandan, nakua: Mengkatoba’komi dio mai mintu’ penggauran kadakemi sia karitutui tu mintu’ pepasanKu sia iatu apa Kupondok susitu mintu’ sukaran aluk tu mangka Kupepasanan lako nene’ to dolomi, tu Kuparampo lako kalemi nalopian mintu’ taungKu, iamotu mintu’ nabi.

1 OSSORANNA DATU 21:9

Ma’kadami tu PUANG lako Gad, to patanda-tandanna Daud, Nakua:

1 OSSORANNA DATU 26:28

Dio duka mai tu mintu’ apa napamarimbangan Samuel, to patanda-tandan, Saul, anakna Kish, Abner, anakna Ner, sia Yoab, anakna Zeruya, ba’tu minda-minda duka tu umpamarimbanganni, napoissan nasang Selomit sola mintu’ siulu’na.

1 OSSORANNA DATU 29:29

Iatu tuna’na Daud, la iatu dolona la iatu undinna, tisura’mo lan tuna’na Samuel, to patanda-tandan, sia nabi Natan sia Gad, to patanda-tandan,

1 OSSORANNA DATU 9:22

Mintu’ to dipilei la dadi to ma’kampa ba’ba den duaratu’ ssangpulo dua. Iatu tau iato mai dipatamamo sura’ lan kampongna; iatu Daud sola Samuel, to patanda-tandan, mangkamo unnangka’i lan pentoeanna.

2 OSSORANNA DATU 16:10

Re’dekmi ara’na tu Asa lako te to patanda-tandan, anna patamai pa’tarungkuan, belanna tarru’ sengke lako Hanani diona tu iannato. Sia ba’tu pira-pirapa tu pa’tondokan napa’dikki Asa attu iato.

2 OSSORANNA DATU 16:7

Attu iato saemi Hanani, to patanda-tandan lako Asa, datu Yehuda, sia ma’kada lako nakua: Belanna umposande’komi datu Aram, natae’ miposande’ PUANG, Kapenombammi, iamoto na iatu surodadunna datu Aram tilendokmo dio mai limammi.

YESAYA 29:10

Belanna Naparampoimokomi penaa mamma’ kalupi-lupian PUANG sia Naparappak tu matammi, – iamotu mai nabimmi – sia Nabungku’ tu ulummi, – iamotu mai to patanda-tandammi.

YESAYA 30:10

Nakua lako mintu’ to pakita-kita: Da mipakita; sia lako mintu’ to patanda-tandan: Da mipatandangkanni tu tonganna, pokadangkanni tu apa kiporai sia pakitangkanni tu apa unnaran-narankan.

AMOS 7:12

Undinnato ma’kadami tu Amazia lako Amos nakua: E to patanda-tandan! mallaiko madoi’ lako tondok Yehuda; inde to dio la munii ungkande roti sia ma’nubua’.

1 KORINTUS 12:17

Na iake la mendadi mata nasangi tu mintu’ kale, umbapa tu la ma’perangi? Sia iake la ma’perangi nasangi, umbapa tu la manguduk?

TO PARENGNGE’ 1:1

Iatonna matemo tu Yosua, mekutanami tu to Israel lako PUANG, nakua: Mindarakan tu la male dolo urrarii to Kanaan.

TO PARENGNGE’ 18:5

Ma’kadami tu tau iato lako nakua: La mekutanapakomi lako Puang Matua, angki issanni kumua ba’tu maupa’ siakan lan te kalingkangki.

1 SAMUEL 9:10

Ma’kadami Saul lako taunna, nakua: Tonganna te timbangammu, maimoko tamale. Malemi sola duai lako kota nanii tu taunNa Puang Matua.