1 SAMUEL 9:25 - Sura' Madatu

²⁵ Mangkato mengkalaomi sola duai dao mai tu inan madao, anna tama kota. Sipa’kada-kadami Samuel tu Saul dao bubungan banua.

1 SAMUEL 9:25 ပူးပေါင်းရင်းမြစ်များ

2 SAMUEL 11:2

Den pissan tonna la makaroenmo millikmi tu Daud diong mai katindoanna, anna sumalong-malong dao bubungan tongkonan layukna; ta’kala natiromi dao mai bubungan iato tu misa’ baine marassan mendio’; iatu baine iato lendu’ ia melona pantarisanna.

NEHEMIA 8:16

Sia la napatassu’ tau iato mai tu misa’ parenta, la mesua umpetambanni lan lu mintu’ kotana tau iato mai sia lan Yerusalem, kumua: Tassu’komi male langngan buntu, ammi baai dio mai tu tangke saitun, tangke saitun pangala’, tangke murdu’, tangke koroma sia tangke makamban daunna, la digaragai kalumba, susitu mangka disura’.

YEREMIA 19:13

Mintu’ banua dio Yerusalem sia mintu’ tongkonan layukna datu Yehuda la maruttak susi inan dio Tofet, iamotu mintu’ banua dao sotona nanii tau untunu pemala’ lako mintu’ ma’dandan maritik dao langi’ sia umpemalaran pemala’ pantedok lako kapenomban senga’.

MATIUS 10:27

Iatu Kupokadannakomi lan malillinna, la mipokada lan to’ maserona; sia iatu dipa’bisikanna dio to’ talingammi, la mipetamban dao mai bubungan banua.

MATIUS 24:17

sia iatu to dao bubungan banua, da namengkalao rokko sia unnala apanna lan mai,

LUKAS 5:19

Apa belanna tae’ nabelai urreke’ Yesu tu belanna to buda, kendekmi langngan bubungan nabungka’i narorro’i sola ampa’na rokko tangnga-tangngana tau dio tingayoNa Yesu.

PENGGAURANNA RASULU’ 10:9

Masiang dio maito tonna diopa lu lalan sia urreke’mo tondok iato kendekmi tu Petrus langngan bubungan massambayang, agi-agi te’te’ sangpulo dua tangnga allo.

PA’TOLE 22:8

Iake umbangunko misa’ banua ba’ru, la murompo tu soto banuammu, da muparampoi to’doan rara tu banuammu, ke denni misa’ tau tobang dao mai.

1 SAMUEL 9:26

Millik mela’bikmi sola duai; iatonna berre’mo allo natambaimi Samuel tu Saul langngan bubungan, nakua: Ke’de’moko angku solangko. Ke’de’mi tu Saul, anna male sola duai lako salian, la Saul la Samuel.