1 SAMUEL 9:12 - Sura' Madatu

¹² Mebalimi tu tau iato mai, nakua: Den, tiromi nato dio, dio tingayomi; melo ke madoi’-doi’komi, apa allo ia duka te rampomo tama kota, belanna allo iate umpogau’ pa’maruasan tu pa’tondokan dao tu inan madao.

1 SAMUEL 9:12 ပူးပေါင်းရင်းမြစ်များ

KADADIAN 31:54

Napemalarammi Yakub tu misa’ pemala’ dao buntu iato, anna tambai nasangi tu sangdadianna sae kumande sola; kumandemi sola nasangi anna ma’bongi dao buntu iato.

1 OSSORANNA DATU 16:39

Apa iatu to minaa Zadok sola mintu’ siulu’na, tu to minaa, (napatorro) dio tingayo kemaNa PUANG dao inan madao nanii memala’ dio Gibeon,

1 SAMUEL 10:5

Mangkato la rampoko lako GibeaNa Puang Matua, tu nanii pa’kampan to Filistin. Iake tamako kota, ta’pa la sitammuko sangtuntunan nabi solo’ dao mai inan madao nadoloan to sibaa dandi sia ganda’-ganda’ sia suling sia su’dekan, anna tiakka’ penaanna ma’nubua’.

1 SAMUEL 16:2

Apa nakua Samuel: Umba la kukua male? Iake narangii Saul, manassa napateina’. Nakuami PUANG: Baako misa’ anak sapi, ammu kuai: iate aku sae la memala’ lako PUANG.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.

1 SAMUEL 20:6

Ianna tirona’ ambe’mu kumua tae’na’ dioren, la mukua ma’kada: Napalaku-laku tongan Daud lako kaleku madomi’ male lako Betlehem, tondokna, belanna la umpogau’ pemala’ tu mintu’ pa’rapuanna dio susito biasanna, ke taunoi.

1 SAMUEL 7:17

Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.