1 SAMUEL 8:7 - Sura' Madatu

⁷ Ma’kadami tu PUANG lako Samuel Nakua: Tarimai tu apa napalaku te bangsa iate lako kalemu, belanna tae’ na iko tu natumpu, sangadinna Aku, kumua da’mo angKu datui.

1 SAMUEL 8:7 ပူးပေါင်းရင်းမြစ်များ

KATASSURAN 16:8

Sia nakuapa Musa: Iake Napakandekomi duku’ PUANG te makaroen iate sia masiang melambi’ roti sadia’mi, iamotu belanna Narangimo PUANG tu pa’nuku-nukummi, tu mipa’nuku-nukuan lako Kalena. Apa tau aparakanni te? Iate pa’nuku-nukummi tae’ nalulako kaleki, sangadinna lu lako PUANG.

YESAYA 66:4

susi dukamoto naalai penaangKu, ke sanggangi tu tau iato sia iatu nakataku’na la Kuparampo lako kalena, belanna tae’ bangmi misa’ mebali, tongKu metamba, sia tae’ bangi umperangii tongKu ma’kada, sangadinna napogau’ tu apa kadake dio pentiroKu sia naporai tu apa tang naala penaangKu.

YEREMIA 34:14

Iake nalambi’mi taun ma’pempitu pada la mieloran male tu siulu’mi, tu to Ibrani, tu mangka umbalukan kalena lako kalemi; iake mangkami mengkaunan annan taunna lako kalemi, la mipopentomakakamo. Apa tae’ natananni talinga.

YEHEZKIEL 2:3

Ma’kadami lako kaleku Nakua: E ma’rupa tau, Kusuako lako to Israel, lako tu mai bangsa pabali-bali, tu unneaNa’; iatu tau iato mai sia nene’ to dolona umboko’i dukaMo’ sae lako allo iate;

YEHEZKIEL 3:7

Apa tae’ namorai umperangiiko to Israel, belanna tae’ namorai umperangiiNa’ belanna mintu’ to Israel makarra’ nasang batu kidena sia ma’penaa battuk.

KADIBILANGAN 22:20

Rampomi tu Puang Matua lako Bileam to bongi iato, anNa ma’kada lako kalena, Nakua: Belanna saemo te mai muane untambaiko, millikmoko, ammu male sola, apa ia manna tu kada la Kupokadangko, tu la maturu’.

MATIUS 10:40

Minda-minda tu untammuikomi, iamo untammuiNa’, na minda-minda tu untammuiNa’, iamo untammui tu To ussuaNa’.

LUKAS 10:16

Minda-minda tu umperangiikomi, ia dukamo umperangiiNa’ na minda-minda tu untumpukomi, ia dukamo untumpuNa’, na iatu to untumpuNa’, iamo untumpui tu To mangka ussuaNa’.

LUKAS 19:14

Apa nakabiri’ sangtondokna tinde tau, namesua undi urrundu’i, nakua: Nokakan kami la nadatui te tau iate.

LUKAS 19:27

Apa iatu mintu’na ualingku, tu manokana umpodatuna’, solanni mai ammi patei dio tingayoku.

YOHANES 13:16

Tonganna tongan Kukua mati’: misa’ kaunan tae’ namadoan anna Puangna sia misa’ to disua tae’ namadaoan anna iatu to ussuai.

TO PARENGNGE’ 8:23

Mebalimi tu Gideon lako tau iato mai, nakua: Tangia aku la umpuangikomi sia tangia duka anakku, sangadinna PUANG Ia tu la umpuangikomi.

1 SAMUEL 10:19

Apa totemo miboko’imo tu Kapenombammi, tu mangka urrampanangkomi lan mai kamaparrisan sia ma’kadakomi, mikua: Moi umba nakua, inang la miangkarangkan misa’ datu. Iamoto, maimokomi mennolo lako PUANG situru’ bilanganna sukummi sia pa’rapuammi.

1 SAMUEL 12:1

Ma’kadami tu Samuel lako mintu’ to Israel, nakua: Manassa kuperangii nasangmo tu mipokadanna lako kaleku sia kutokkoammokomi misa’ datu.

1 SAMUEL 12:12

Iatommi tiroi tu Nahas, datu to Amon sae ullaoikomi, ma’kadakomi lako kaleku, mikua: Moi umba nakua, inang la den misa’ tu datu umparentakan; anna inang PUANG, Kapenombammi, tu datummi.

1 SAMUEL 8:22

Ma’kadami PUANG lako Samuel: Turu’i tu kadanna sia tokkoanni misa’ datu. Mangkato nakuami Samuel lako mintu’ to Israel: Pada sulemokomi lako kotami.

1 SAMUEL 8:8

Susitu mintu’ penggauranna tau iato mai randuk dio mai allo Kunii ussolanni tassu’ lan mai tondok Mesir sae lako allo iate, iamotu naboko’iNa’ anna turu’ kapenomban senga’, susi dukamo penggauranna tau iato mai lako kalemu.