1 SAMUEL 8:18 - Sura' Madatu

¹⁸ Tonganna allo ia dukato, ammi la melallak sia sumarro diona datummi tu mipilei, apa tae’ duka anNa la umperangiikomi PUANG to allo iato.

1 SAMUEL 8:18 ပူးပေါင်းရင်းမြစ်များ

2 OSSORANNA DATU 10:11

Iake susinna napamatana’i ambe’ku tu pamaammi, apa iatu aku la kupamatana’ pissan tu pamaammi; iake mangkakomi napa’dikki pebamba ambe’ku, apa aku la kupa’dikkikomi pebamba ma’duri bassi.

AYUB 27:8

Belanna apara tu narannuan to tang umbilang Puang Matua, ke Naka’tumi Puang Matua tu sunga’na, sia ke Natuntunmi tu deatanna?

AYUB 27:9

La Naperangiiraka Puang Matua tu petambana umpalaku pa’tunduan, ke narampoimi kapussakan?

PA’PUDIAN 18:41

Mipopemboko’mo mallai tu mintu’ ualingku, sia kumangsannimo tu mintu’ to ungkabiri’na’.

SARAMBU PEADA’ 21:13

Minda-minda ussissinganni talinga tu pengkamoyana to bongko, manassa iake ia metamba tae’ tau umpebalii.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

YESAYA 59:1

Iatu limanNa PUANG tae’ nakondi’ la merampanan, sia tae’ natang maleso tu pa’peranginNa.

YESAYA 8:21

Sangadinna la palong bang umperasai parri’ sia mangelo; ia anna topomo, maredemi tu ara’na sia unggatai datunna sia Kapenombanna. Ke mentingarai langan langi’,

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

LUKAS 13:25

Iamoto ke ke’de’mi tu ampu banua nasalli’i tu ba’ba, ammi randukmo bendan bang dio salian undedek ba’ba, mikua: O Puang, bungkarangkan kami, anNa mebalimo Nakua: Tae’ Aku kutandaikomi, lu umbarokomi nii sae?

1 SAMUEL 8:17

Sia dio mai mintu’ dombami sia bembe’mi la naala taa sangpulona sia la napokaunankomi sola nasang.